ଜଗତ ମଧ୍ଯରେ ସାର

କେତେ ଧାମ ଅଛି ଅଖିଳ ବିଶ୍ବରେ

ସାର ଶଙ୍ଖକ୍ଷେତ୍ର ନିଳାଚଳ

କେତେ ନାମ ମଧ୍ଯେ ଜଗନ୍ନାଥ ନାମ

ଏକା ଦିଏ ମୁକ୍ତି ଫଳ

କେତେ ଯେ ମଶାଣି କେଉଁଠି ରହିଛି

ସାର ଅଟେ ସ୍ବର୍ଗଦ୍ବାର 

ଦାଣ୍ଡ ପଡିଅଛି କେତେ ଯେ କେଉଁଠି

ବଡଦାଣ୍ଡ ଏକା ସାର

ବାନା ଅଟେ ଯାର ପତିତପାବନ 

ଭୋଗ ଯା ମହାପ୍ରସାଦ 

ତୁଣ୍ଡେ ଦେବା ମାତ୍ରେ ଜନମ ଜନମ

କଳୂପ କରେ ସଂଘାତ

କଳପ ବଟର ତଳଠୁ ଶୀତଳ 

କାହିଁତ ନ ମିଳେ ଛାୟା 

ବଜାର ମଧ୍ଯରେ ଆନନ୍ଦ ବଜାର 

ନାହିଁ ଯହିଁ ମୋହମାୟା 

ଶରଧା ସେନେହ ମିଳନ କେବଳ

ଶରଧା ବାଲିରୁ ମିଳେ

କାଳିଆ ଶ୍ରୀମୁଖ ଦର୍ଶନ ମାତ୍ରକେ

ଜନ୍ମ ଜନ୍ମ ପାପ ହରେ ।