ଜଗତ ଜନନୀ
ଜଗତ ଜନନୀ
ଶାନ୍ତି ମୁକ୍ତି ପ୍ରଦାୟିନୀ ଜଗତ ଜନନୀ
ଯୋଡୁଅଛି ବେନିକର ମାଗୋ କାତ୍ୟାୟିନୀ ।
ପୂଜାବିଧି ମନ୍ତ୍ର ଶ୍ଳୋକ କିଛି ବି ଜାଣେନି
ଭକତି ଚିତ୍ତରେ ମୁହିଁ କରୁଛି ମାଗୁଣି ।
ପାପ ତାପ ବିନାଶିନୀ ମା' ସିଂହବାହିନୀ
ପଣତରେ ଢାଙ୍କିରଖ ମାତ କୃପାଳିନୀ ।
ମନ୍ଦ ବୁଦ୍ଧି କର ନାଶ କଳୁଷ ହାରିଣୀ
ସ୍ନେହ ପ୍ରେମ ଝରାଅ ଗୋ ମଙ୍ଗଳ କାରିଣୀ ।
ଅନ୍ୟାୟ ଅଧର୍ମ ନାଶି ଅଭୟ ଦାୟିନୀ
ସତ୍ୟ ନ୍ୟାୟ ଭରିଦିଅ ଶକ୍ତି ସ୍ୱରୂପିଣୀ ।
ଅତ୍ୟାଚାରୀ ଅହଂକାରୀ ଭୟଙ୍କର ପ୍ରାଣୀ
ବଧ କର ସ୍ବହସ୍ତରେ ସଂହାର କାରିଣୀ।
ତ୍ରିଭୁବନ ଜନନୀ ଗୋ ମହିଷ ମର୍ଦ୍ଦିନୀ
ଢାଳିଦିଅ କୃପାଶିଷ ମାଆ ନାରାୟଣୀ ।
ଅଷ୍ଟ ସିଦ୍ଧି ପ୍ରଦାୟିନୀ ହେ ମାଆ ଭବାନୀ
ସର୍ଵଜନ ସର୍ଵତୁଣ୍ଡେ ତୋର ଜୟଧ୍ୱନି ।
ହରିଦିଅ ସର୍ବ ଦୁଃଖ ହେ ମାତ ଶିବାନୀ
ସୁଖମୟ ହୋଇଉଠୁ ଆମରି ଧରଣୀ ।