ଜଗତ ଜିତା ମୁଁ ହୋଇବି
ଜଗତ ଜିତା ମୁଁ ହୋଇବି
ଫୁଲଟିଏ ହୋଇ ଫୁଟିବି
ମଧୁର ମହକ ବାଣ୍ଟିବି
ସବୁରି ଆପଣେ ହସ ଭରି ଦେଇ
ପରିକୁ ଆପଣା କରିବି ।
ନଈଟିଏ ହୋଇ ବହିବି
ଆଗକୁ ଆଗକୁ ଧାଇଁବି
ଧରଣୀକୁ ଶସ୍ଯ ଶ୍ୟାମଳା କରିକି
ଜଗତେ ଜୀବନ ଭରିବି ।
ଦୀପଟିଏ ହୋଇ ଜଳିବି
ଆପଣା ଧରମ ପାଳିବି
ଦୁର୍ନୀତି ରୂପକ ଅମ ଅନ୍ଧାରକୁ
ନିଜ ଆଲୋକରେ ଟାଳିବି ।
ଗଛଟିଏ ହୋଇ ଵଢିବି
ଅମ୍ଳଜାନ ବାୟୁ ଛାଡ଼ିବି
ଅଙ୍ଗାରକାମଳ ନିଜେ ଶୋଷି ନେଇ
ପରିବେଶ ସୁସ୍ଥ ରଖିବି ।
ମେଘଖଣ୍ଡ ହୋଇ ଭାସିବି
ବିଜୁଳି ସାଥିରେ ହସିବି
ସୁଜଳା ସୁଫଳା କରିବାକୁ ଧରା
ହରଷେ ବରଷା ଢ଼ାଳିବି ।
ମନ ଦେଇ ପାଠ ପଢିବି
ଗୁରୁଜନ କଥା ମାନିବି
ଜଗତ ହିତରେ ଭଲକାମ କରି
ଜଗତଜିତା ମୁଁ ହୋଇବି ।