ଜାତିର ଜନନୀ କିଏ
ଜାତିର ଜନନୀ କିଏ
ପ୍ରଶ୍ନ ଯଦି ହୁଏ ଜାତିର ଜନକ
ଉତ୍ତର ଗାନ୍ଧୀ ମହାତ୍ମା
ସେଇ ଏକା ପ୍ରଶ୍ନ ଜାତିର ଜନନୀ
ଉତ୍ତର ଆସେନି ଜମା l
ଏହି ଅନୁତ୍ତରିତ ପ୍ରଶ୍ନର ସରଳ
ଉତ୍ତର କାହିଁକି ନାହିଁ
ସ୍ୱାଧୀନତା କିମ୍ବା ତାପର ସମୟ
ଗଲାନି କିମ୍ପାଇ ଦେଇ l
ପିତା ଯଦି ଜଣେ ଜାତି ଜନ୍ମlଇଛି
ମାତାତ ନିହାତି ଥିବ
ମାତୃ ସ୍ଥାନେ କ'ଣ କେହିବି ନଥିଲେ
ଭlରତ କାହିଁ ନୀରବ l
ଦେଶ ଜାତି ପାଇଁ ବlପୁ ଅବଦାନ
ସେଥିପାଇଁ ସିଏ ପିତା
ରାଣୀ ସରୋଜିନୀ, ଭିକାଜୀ, କମଳା
ହୋଇ ପାରିଥାନ୍ତେ ମତା l
ଆଉତ ସାବିତ୍ରୀ ମଦର ଟେରେସା
ଇନ୍ଦ୍ରା ନୁୟୀ ଯେ କିରଣ
ଏହି ମାନେ କିଏ ହୋଇପାରିଲେନି
ମାତୃ ସ୍ଥାନରେ ବରଣ l
ଇତିହାସ ର ତ ଜନକ ଅଛନ୍ତି
ବିଜ୍ଞାନ ର ବି ଅଛନ୍ତି
ଅର୍ଥ ନିତି ର ବି ଜନକ ଅଛନ୍ତି
ଗଣିତର ବି ଅଛନ୍ତି l
ଆଣବିକ ବିକିରଣରେ ନୋବେଲ
ମେରୀ କ୍ଯୁରୀ ପାଇଛନ୍ତି,
ଗ୍ରେକ ହପର, ଷ୍ଟେଫନି କ୍ୟୋଲେକ
ଙ୍କୁ କେହିତ ନଜlଣନ୍ତି l
ହିନ୍ଦୁ ଧର୍ମ କଥା ବିଚାରକୁ ନେଲେ
ବ୍ରହ୍ମା, ବିଷ୍ଣୁ, ମହେଶ୍ୱର,
ଯଥାକ୍ରମେ ସୃଷ୍ଟି, ପାଳନ, ସଂହାର
କର୍ତ୍ତା ଅଟନ୍ତି ସୃଷ୍ଟିର l
ସଂସାର ଚଳlଉଛନ୍ତି ଦ୍ବୟ ଦେବୀ
ଲକ୍ଷ୍ମୀ ଆଉ ସରସ୍ବତୀ
କିନ୍ତୁ ସମକକ୍ଷ ତାଙ୍କ ସହ କିମ୍ପା
କାହିଁକି ନ ହୋଇଛନ୍ତି l
କେବଳ ଗୋଟିଏ କ୍ଷେତ୍ରରେ ପୁରୁଷ
ପଛରେ ପଡି ଅଛନ୍ତି
ତାହା ହେଲା ଭାଇ ଅନ୍ଧବିଶ୍ୱାସ ଓ
ବିକୃତ ମନାର ଭ୍ରାନ୍ତି l
ଏହି ସମ୍ମାନତ ମାଆ ଜାତି ଆଜି
ପାଇଛି ସମାଜ ଠାରୁ
ଡାହାଣୀ, ଭୂତୁଣୀ, ଆଉ ଚିରୁଗୁଣୀ
ଏଥିରେ ପୁରୁଷ ଭୀରୁ l