ଜାତୀୟ ପତାକା

ଉଡେ ଆଜି ଗଗନେ ପବନେ 

          ଭାରତ ମାତାର ପ୍ରତୀକ

ଶାନ୍ତି ମୌତ୍ରୀ ଏକତା ବିରତା

            ରଖିଛି ତାହାରି ଟେକ ।

ଗୁଣୁ ଗୁଣୁ ଗାଏ ସେ ଝରଣା

          କେତେ ସୁସଂଗୀତ ତାଳେ

ବହିଯାଏ ନିର୍ଝରିଣୀ ତଟିନୀ

           ଭାରତ ମାତାର କୋଳେ ।

ଚିନ୍ତା ଚେତନା ରୂପର କଳ୍ପନା

          କେତେଯେ ପରିଶ୍ରମ କରି

ତ୍ରିରଙ୍ଗାର ରୂପ ଚିତ୍ରି ଦେଲ

           ଦେଶ ସାରା ପୂର୍ବ ସୂରୀ ।

ଆଜି ଚଣ୍ଡାଶୋକ ଲଭେ ଧର୍ମାଶୋକ

            ବନ୍ଦନୀୟା ମାତୃ ଭକ୍ତି

ଦେଶ ପ୍ରେମ ଭାବ ଜାତିର ସ୍ୱଭାବ

           ତ୍ରିରଙ୍ଗା ତାହାର ଜ୍ୟୋତି ।

ପରାଧୀନତାର ଶୃଙ୍ଖଳ ବାନ୍ଧି

          ଇଂରେଜ ଦେଇଥିଲା ଧୋକା

ଶହ ଶହ ବୀର ଜୀବନ ବଦଳେ

           ଉଡୁଛି ଆଜି ଏହି ପତାକା ।