ହେ ବିଘ୍ନେଶ

ଆହେ ପ୍ରଭୁ ଗଣନାଥ ଗଉରୀ ଙ୍କ ନନ୍ଦନ

ତୁମେ ପ୍ରଭୁ ମୁକ୍ତିଦାତା ବିଘ୍ନେଶ ଗଜାନନ।

ତୁମ୍ଭ ଠାରୁ ସବୁ ଜ୍ଞାନ ହୋଇଅଛି ସୃଷ୍ଟି

ସେଥିପାଇଁ ସାରା ଜଗତ ରହିଅଛି ତିଷ୍ଠି. ।

ମାତା ପାର୍ବତୀଙ୍କର ପୁତ୍ର ତୁମେ ଗଣପତି

ସକାଳେ ସଞ୍ଜେ ଜାଳେତୁ ମରି ଆଳତି ।

ଅବୋଧ ରୁ ନିର୍ବୋଧ ହୁଅନ୍ତି ଜନେ ନିନ୍ଦାକରି

ତୁମ ଗୁଣ ଗାନ କରି ମୁଁର୍ଖ ଯାଏ ଭବୁ ତରି ।

ଗୁହାରି କରେ କର ଯୋଡି ମୋର ବିଘ୍ନେଶ

ତୁମରି ଦାନ ବଳେ କୃପା ଲଭେ ଶ୍ରୀ ଆଶିଷ ।

କରୁଛି ବିନତି ତୁମ ପାଦତଳେ ନିଜକୁ ନିଜେ

କିଦେଇ ପୂଜିବି ସତେ,ଭକ୍ତି ଅର୍ଘ୍ୟ ଢାଳି ପୁଜେ ।

ତୁମେ ପରା ସେହି ପ୍ରଭୁ ସଙ୍କଟ ମୌଚନ

ହେ ବିଦ୍ୟାଧର ତୁମରି ଯେ ମୂଷିକ ବାହନ ।

କଣ୍ଠରେ ମୁକୁତା ହାର ପ୍ରଭୁ ଅଜ୍ଞାନୀ ଅନ୍ତକ

ସୂର୍ଯ୍ୟ କୋଟି ପ୍ରକାଶିତ ବ୍ରହ୍ମଚାରୀ ବିନାୟକ ।

ମଧୁଗନ୍ଧ ପ୍ରସାରିତ ଆହେ ସୁଧା ଲଡୁ ଧାରୀ

ମନ୍ଦର ସ୍ୱରୂପ ବିରୂପ ଭୂଷିତ ଧର୍ମ ରକ୍ଷାକାରୀ ।

ଭାଦ୍ର ଶୁକ୍ଳ ପକ୍ଷ ଚତୁର୍ଥୀ ଅଟଇ ତୁମ ଜନ୍ମଦିନ

ସର୍ବ ସିଦ୍ଧି ବୁଦ୍ଧି ପ୍ରାପତ ହୁଏ କଲେ ତୁମ ପୂଜନ ।