ଜାତୀୟ କୃଷକ ଦିବସରେ
ଜାତୀୟ କୃଷକ ଦିବସରେ
ଖରା ଦିନରେ ପଖାଳ ପାଣି ତୋରାଣି
ମୁନ୍ଦେ ପେଟରେ ଦେଇ
ଧାନ ଗହମ ଅନ୍ୟାନ୍ୟ ଫସଲର ଚାଷ
କରିବା ପାଇଁ ଯାଉ'ତ ଧାଇଁ ।
ସକାଳୁ ଶୀତରେ ଉଠି, ହଳ ଲଙ୍ଗଳ
କାନ୍ଧରେ ଥୋଇ
ଧାନ ଗହମ ଅନ୍ୟାନ୍ୟ ଫସଲ ଅମଳ
ପାଇଁ ଯାଉ'ତ ଧାଇଁ ।
ମୁଡି ମୁଠାଏ ଚାହାରୁ ଢୋକେ ଦେଇ ବରଷା
ଦିନେ ଯାଉ ତୁ ଧାନ ରୋଇବା ପାଇଁ
ଦେହ ଖରାପ ହେଲେ ମଧ୍ୟ ଖାତିର ନାହିଁ, ଧନ୍ୟ
ତୋ କର୍ତ୍ତବ୍ୟନିଶା, ହେ କୃଷକ ଭାଇ ।
ଅଳସୁଆା ଲାଞ୍ଚୁଆ ମିଛୁଆ କପଟିଆ ଅଛନ୍ତି
କେତେ ମୋର ଦେଶରେ
ଶୋଷି ନେଇ ଯାଉଛନ୍ତି ତୋର ଶ୍ରମର ଫଳକୁ
ଅନୀତି ଦୁର୍ନୀତି କୁକର୍ମରେ ।
ସର୍ବଂସହା ଧରିତ୍ରୀ ପରି ସବୁ କଷ୍ଟ ସହି କରୁ
ପରିଶ୍ରମ ମାଟିରେ ହୋଇ ମାଟି
ଧନୀ ବଳବନ୍ତ ନଖଟି ଛୁରା ଚାକୁ ବନ୍ଧୁକରେ
ଶ୍ରମକୁ ଶୋଷି ରହିଛି ତିଷ୍ଠି ଏଠି ।
ଯିଏ ଶୋଷେ ରକ୍ତ ତୋ ଶରୀରରୁ, ପ୍ରୋତ୍ସାହନ
ଅଛି ତାଠାରେ ସରକାରଙ୍କର
ଜୟ କିଷାନ ନାରା ଦିଅନ୍ତି ଭାଷଣେ, ଶୁଣୁଛ
ବାହାସ୍ପୋଟ, ନେତା ଓ ଟାଉଟରଙ୍କର ।
ନେତା ମନ୍ତ୍ରୀ ଜଜ୍ ସରକାରୀ ବାବୁ ଏଠି କେହି
ନୁହନ୍ତି ତୋର, ଚାଲେ ରାଜନୀତି
ପାଷାଣ୍ଡ ରାଜୁତି, ଚାରିଆଡେ ଆଜି ଦରକାର ହୁଏ
ଖାଲି ଟଙ୍କା ଖୋସମଦି ନୀତି ।
ଦୁଃଖ ଦୁର୍ଦ୍ଦଶାରୁ ମୁକ୍ତି ନିମିତ୍ତ, ହେ କୃଷକ ଭାଇ
ଉଠ ଦୁର୍ବଳ, ଜାଗ କଙ୍କାଳ
ପୁଂଜିପତି ମାନବିକତା ଭୁଲିଛି, ଅଧିକାର ପାଇବା
ପାଇଁ ଉଠ ଦୁର୍ବଳ, ଜାଗ କଙ୍କାଳ ।