ଜାଗ ଶ୍ରମିକ କୃଷକ, ଶୋଷଣ ହଟାଇବା
ଜାଗ ଶ୍ରମିକ କୃଷକ, ଶୋଷଣ ହଟାଇବା
ଚିନ୍ତା ଓ ଚେତନା ଦ୍ଵାରା, ସମାଜ
ଯାଏ ବଦଳି
ନିଜେ ଶୁଦ୍ଧ ହେଲେ ବଦଳି ଯାଏ
ଜୀବନ ଶୈଳୀ ।
ପରସ୍ପର ମଧ୍ୟେ ପ୍ରେମର ଭାଵନା
ଲୋଡ଼ା ଅଛି
ଶାସକର ମିଛର ଅଭିନୟେ ସମ୍ପର୍କ
ହଜି ଯାଇଛି ।
କଥାରେ ଅଛି ପୋଡିଗଲା ତିଅଣର
ସୁଆଦ ନାହିଁ
ମନେରଖ, ଶୋଇଲା ପୁଅର କେବେ
ତ ଭାଗ ନାହିଁ ।
ଲହୁ ଲୁହ ନିଗାଡି ଯେତେ ଶ୍ରମିକ ଅଛ
କରୁଛ ତ ଶ୍ରମ
ଶ୍ରମର ମୂଲ୍ୟ ପାଇବା ତୁମର ଅଧିକାର,
ତାହା ତୁମ ଧର୍ମ ।
ଚାଷ କାର୍ଯ୍ୟକରି ହେ ଚାଷୀ ଭାଇ, ତୁମ
ଜୀବନ ବିତାଉଛ
ଚାଷର ମୂଲ୍ୟ ଶୋଷି ନେଉଛନ୍ତି, ଅଭାବର
ପୀଡାରେ ତୁମେ ଅଛ ।
ଛନ୍ଦ କପଟ କରି ତୁମର ଶ୍ରମର ମୂଲ୍ୟ,
ସବୁ ନେଇ ଯାଉଛନ୍ତି ଯିଏ
ଜାଗ ଶ୍ରମିକ, ଜାଗ କୃଷକ, ହଟାଇବା
ପାଇଁ ଏ ଶୋଷଣ କରୁଛି ଯିଏ ।
ପୁଂଜିବାଦୀ ସମାଜେ, ସୁସ୍ଥ ସମାଜଟା ଦୁସ୍ଥ
ପାଲଟୁଛି, ଜୀଇଁବାଟା ଦୁର୍ବିସହ
ହଟାଇବାକୁ ହେବ ଯାହା ମେଲାଇଛି ନେବା
ଓ ଦେବାର ଲୋଭର ମୋହ ।
ବଇରି ହୋଇବ ତୁମେ ଯେବେ ସମାଜରେ
ଅପ୍ରିୟ ସତଟା ଦେଲେ କହି
କୁହନ୍ତୁ ତୁମକୁ ବିପ୍ଳବୀ, ନିଚ୍ଛକ ସତ୍ୟକୁ ମନେ
ମନେ ହେଜ, ଡରିବ କିପାଇଁ ।