ଜାଗ ହେ ତରୁଣ

ନବୀନ ଯୁଗର ହେ ନବ ତରୁଣ

ଜାଗ ଆଳସ୍ୟ କୁ ତେଜି

ନିଜ ଅଧିକାର ପାଇବା ପାଇଁ ତ

ବେଳ ଆସି ଅଛି ଆଜି ।

କେତେ ଦିନ ଆଉ ଶୋଇ ରହିଥିବ 

ଅନ୍ଧକାର କୋଠରୀରେ

ଜାଗି ଉଠ ତୁମେ ସ୍ୱକର୍ମ ଆଦରି

ଉଲ୍ଲସିତ ଭାବନାରେ ।

ଦେହରେ ତୁମର ଶତସିଂହ ବଳ

ରହିଅଛି ପରା ଭରି

ତଥାପି କିମ୍ପାଇଁ ମଉନ ରହିଛ 

କେଉଁ ଅଭିମାନ ଧରି ।

ହେଜି ଦେଖ ସେଇ ବୀର ପୁରୁଷଙ୍କ

ଅଛି କେତେ ବୀର ଗାଥା

ବିବେକାନନ୍ଦ , ସୁବାଷଙ୍କ ପରି

ଆଉ କେତେ ମହାରଥା ।

ତୁମେ ପରା ଅଟ ଏ ଦେଶ ମାଟିର

ଆଗାମୀ ର ଭବିଷ୍ୟତ

ଉଚ୍ଚ କର୍ମ କରି ରଖିଯାଅ ସଦା

ମାଟି ମାଆର ମହତ ।