ଈଶ୍ୱର

ସର୍ବ ଶକ୍ତିମୟ ସର୍ବ ଲୀଳାମୟ

    ସର୍ବ ଘଟେ ପ୍ରତି ପ୍ରାଣ

ଯାହା ଇସାରାରେ ଏ ସାରା ବ୍ରହ୍ମାଣ୍ଡ

     ଆତଯାତ ପ୍ରତିକ୍ଷଣ

ଜାଣ, ଈଶ୍ୱରଟି ତାଙ୍କ ନାମ ।

ସୂର୍ଯ୍ୟ, ଚନ୍ଦ୍ର, ତାରା, ଗ୍ରହ ଓ ନକ୍ଷତ୍ର

    ଯା ଦୟାରେ ଆତଯାତ

ବହଇ ପବନ ପକୃତି ପାଳନ

    ତ୍ରୁଟି ନାହିଁ ତିଳେ ମାତ୍ର

ନାହିଁ ରୂପ ରେଖ ଅସୀମ ଅନନ୍ତ

    ଅଦ୍ୱୈତ ଅପାର ନାମ ।

ମଧୁ ଠାରୁ ମିଠା ସେ ମଧୁସୂଦନ

    ନ ଚାଖି ଅମୃତ ପରି

ଚକ୍ରହସ୍ତ ନାମ ସ୍ୱରୂପ ବିହୀନ

    ଅନୁଭବେ ଦଇତାରୀ

ଶ୍ରୀ ବତ୍ସ ଶ୍ରୀ ଧର ସତ୍ୟଶ୍ରେୟ ନାମ

    ଶୂନ୍ୟେ ବୁଲେ ସୁଦର୍ଶନ ।

ଯାହାଙ୍କର ଲୀଳା ବିଚିତ୍ରମୟ ହେ

    ବିଚିତ୍ର ଏହି ସଂସାର

ସବୁ କରୁଥିବୁ କିଛି ନେବୁ ନାହିଁ

    କେବଳ ନାମ ଈଶ୍ୱର

ତାର ଦୟା ହେଲେ ମିଳଇ ମୁକତି

     ଦୟାବନ୍ତ ତ୍ରିବିକ୍ରମ ।