గ్రంథాలయం
ప్రొఫైల్
ଇଛା
ଇଛା
1 min
263
ମନ ଅଗଣାରେ ଖଣ୍ଡିଉଡ଼ା ଦିଏ
ଅସରନ୍ତି ଇଛା ଡେଣା ଝାଡ଼ି,
କିଛି ପର ଛିଡେ ମଥାନ ଉପରେ
କିଛି ଯାଏ ବହୁ ଦୂର ଉଡ଼ି।
କାମନାର ତପ୍ତ ମାଟି ଚୁଲି ଗର୍ଭୁ
ପୋଡ଼ା ପାଉଁଶର ଝୁଙ୍କ ଉଠେ,
ବେଳ ବୁଡ଼ି ଯାଏ କଅଁଳ ସଞ୍ଜରେ
ସପନର କୋଟି ତାରା ଫୁଟେ।
ତୃଷିତ ଭାବନା ବେଳାଭୂମି ପରେ
ବାସନାର ଉର୍ମି ପିଟେ ମଥା,
ତଥାପି ମନର ତୃଷ୍ଣା ମରେନାହିଁ
ପିଇ ପିଇ ସରେନାହିଁ ବ୍ୟଥା।
ଇଛା ପରା ଏକ ଖିଆଲି ମନର
ବେପରୁଆ ତୁଛା ଅଭିଳାଷ,
ପୁରିଗଲେ ମରେ ମନର ପରାସ
ନପୁରିଲେ ରହେ ଅବଶୋଷ।
ଇଛା ଘୋଟକରେ ନଥିଲେ ଲଗାମ
ବାଟବଣା ହୁଏ ଯାତ୍ରାପଥ,
ସଂଯତ ଚିତ୍ତରେ ଉଚିତ ଇଛିଲେ
ଜୀବନଟା ହୁଏ ମହାଯାତ।
