ହତାସ

ପାଠ ପଢାପଢ଼ି ଏଯାଏ ସରିନି

ଚାକିରୀ କରିବା ଛାଡ଼

ଏ ସଂସାର ସାରା ଯାହା ଶୁଭାଯାଏ

ଶୁଣି ହାଡ କଡ଼ମଡ଼

ଚାରିଆଡେ ଖାଲି ଡିଣ୍ଡିମ ବାଜୁଛି

ଚାକିରୀ ବାହାରୁ ନାହିଁ

ଶିକ୍ଷିତ ବେକାରୀ ଦାଦନ ଖଟୁଛି

ଜନ୍ମଭୂମି ଛାଡ଼ିଦେଇ

ଠାଣେ ଠାଣେ ମଦ ପିଇକି ପଡ଼ନ୍ତି

ଜଣା ଶୁଣା ଜ୍ଞାନୀ ଗଣ

ସରକାର ଦୋଷ ଜାଣିକି ହତାସ

ସମାଜେ ଶିକ୍ଷିତ ଜନ

ଭାବୁଛି ଚାକିରୀ ନମିଳିଲେ କିଛି

ଗାଁକୁ ଯିବି ପଳେଇ

ପାଠୁଆ ଶ୍ରମିକ ନହୋଇ ବାହାରେ

ଚାଷି ଗୋଟେ ଯିବି ହୋଇ

ସଭିଏଁ କୁହନ୍ତି ଚାଷି ପରା ଆମ

ଜଗତର ଭାତ ଥାଳି

ତା' କର୍ମକୁ ଟିକେ କରିକି ଜାଣିବା

ଏଥର ଆମରି ପାଳି