ହସ ରହସ୍ୟ
ହସ ରହସ୍ୟ
ଶକୁନୀ ଓଠର ହସ
ବୁଡାଇଲା କୁରୁ ବଂଶ
ରାଜା ମୁଖେ ଅଟହାସ
ଅହଂକାର ପରିପ୍ରକାଶ ।
କପଟି ବନ୍ଧୁର ହସ
କରିଦେବ ସର୍ବ ନାଶ
କପଟି ପ୍ରେମୀର ହସ
ନ ବୁଝି ପାରିଲେ ନାଶ
ଶତ୍ରୁ ମୁଖରେ ହସ
ଜାଣ ତୁମର ବିନାଶ |
ପିଲାଙ୍କ ମୁଖରେ ହସ
ମନୁ ଦୁଃଖ କରେ ନାଶ
ପିତାମାତା ମୁଖେ ହସ
ସନ୍ଧାନର ସର୍ବ ବିକାଶ ।
ଅନ୍ୟ ମୁଖେ ଦେଖି ହସ
ଦେଖି ରଖ ମୁଖେ ହସ
କାରଣ ତା' ଖୋଜି ବସ
ତା ପରେ ହସରେ ରସ
ପ୍ରକୃତ ଅଟେ କି କୃତ୍ରିମ ହସ
ବୁଝି ନ ପାରିଲେ କରୁଣ ରସ ।
ଦୁଃଖରେ କବିତା ହୋଇବ ଶେଷ
ଥିବ ଖାଲି ସେଥି କରୁଣ ରସ
ମନ ପ୍ରାଣ ଜାଳି କରି ପାଉଁଶ
ଥିବ ଖାଲି ଦୁଃଖ ଅବଶୋଷ ।
କାହାରି ଓଠରେ ହସ
ଦେଖି ଦିଅ ମୃଦୁ ହାସ
ଶୁଣି ତାର ମିଠା ଭାସ
ଯଦି ତୁମେ ହସି ଫସ
ଘଟିପାରେ ସର୍ବନାଶ
ଦେଖି ପରମୁଖେ ହସ ।
ବୁଝ ଅନ୍ତରର ଭାଷ
ବିଶ୍ଳେଷଣ କରି ବସ
ମଧୁ ଅଛି ଅବା ବିଷ
ସବୁ କଥା ଜାଣି ବସ
ଝରିବ କି ମଧୁ ରସ?
ମୁଖେ ଥିବ ଚିର ହସ
ଜୀବନ ମଧ୍ୟରେ ଝସ
ମୁଖ ଥିବ ହସ ହସ
ନ ଥିବ ଦୁଃଖର ଲେଶ ।