Library
Profile
ହୃଦୟ ର ଶ୍ଵେତ ଫର୍ଦ୍ଦେ
ହୃଦୟ ର ଶ୍ଵେତ ଫର୍ଦ୍ଦେ
ଅଲିଭା କାହାଣୀ ଲିଭି ହୁଏ ନାହିଁ
ହୃଦୟ ର ଶ୍ଵେତ ଫର୍ଦ୍ଦେ ।
ଗମ୍ଭିର ପ୍ରେମର ତୁଳିରେ ଲିଖିତ
ମାଧୁର୍ଯ୍ୟ ର ପୂର୍ଣ୍ଣ ଶବ୍ଦେ ।
ଉଚ୍ଛ୍ଵାସ ଆବେଗ ଭାବ ପ୍ରୀତି ଘେନି
ଅୟାରମ୍ଭ ସେ କାହାଣୀ ।
କାହାଣୀ ଅପୂର୍ବ ଅପରୂପେ ଯୋଗ
ପ୍ରେମ ରସ ଏହି ବାଣୀ ।
ଏକ ରାଜ କନ୍ୟା ଉପବନେ ଶୋଭେ
ପଟ୍ଟ ବସ୍ତ୍ରେ ଶୋଭନୀୟ ।
ମନୋହର ରୂପ ଆକର୍ଷିତ ମୁଖ
ଅଟେ ଅତି ରମଣିୟ ।
ପ୍ରସୂନ ପ୍ରଷ୍ପୁଟିତ ଝୁମି ଝୁମି ଖେଳେ
ରାଜ ଜେମା ସଙ୍ଗେ ମିତ ।
ପୁଷ୍ପ ସମକକ୍ଷ ସୁନ୍ଦରୀ ରମଣୀ
ପ୍ରେମ ରଙ୍ଗେ ଆଚ୍ଛାଦିତ ।
ସ୍ମିତ ହାସ୍ୟରସ ମନ ରେ ଉଲ୍ଲାସ
ଭ୍ରମର ସାଥିରେ ଖେଳେ ।
ଗୁଣୁ ଗୁଣୁ ଗାନେ ଭ୍ରମର ର ଗଣେ
ଗାଏ ସଙ୍ଗୀତ ର ତାଳେ ।
ନାଲି ନୀଳ ଧଳା ହଳଦୀ ଗୋଲାପି
ନାନା ରଙ୍ଗ ଭର ହୋଇ ।
ପ୍ରଜାପତି ଆସି ଚୁମୁ ଥାନ୍ତି ବସି
ରାଜ ଜେମା ଗାଲ ଯାଇ ।
ଶୀତଳ ପବନ କାନି ସେ ଉଡ଼ାଏ
ଆନମନା ଯେବେ ହୋଇ ।
ସୂରୁଜ କିରଣ ଝିଲି ମିଲି କରେ
କାନି ର ଉଜ୍ଜଳ ନେଇ ।
ପ୍ରେମେ ପାଗଳିନି ପ୍ରେମ ପୂଜାରିଣୀ
ପ୍ରେମ ର ଚରିତ ନେଇ ।
ଅଙ୍କେ ମନେ ନୀତି ନୂଆ ନୂଆ ରୀତି
ନୂତନ କାହାଣୀ ବହି ।
ପ୍ରିୟ ର ପୀରତି ପ୍ରଣୟ ମୂରତି
ପ୍ରେମ ଭବ୍ୟ ନୀତି ଗଢ଼େ ।
ଅଳ୍ପ ଅଳ୍ପ କରି ସ୍ଵପ୍ନ ଯେତେ ଭରି
ଭବ୍ୟ ନଅର ଟେ ଗଢ଼େ ।
ସେ ନଅର ମଧ୍ୟେ ରାଜା ଅଟ ତୁମେ
ରାଜ ଜେମା ଅଟେ ମୁହିଁ ।
କାହାଣୀ ନୁହଁଇ ବାସ୍ତବ କୁ ନେଇ
ତୁମ ପ୍ରେମ ଗଳ୍ପ ବହି ।
ଅଲିଭା କାହାଣୀ ଲିଭି ହୁଏ ନାହିଁ
ହୃଦୟ ର ଶ୍ଵେତ ଫର୍ଦ୍ଦେ ।
ଗମ୍ଭିର ପ୍ରେମର ତୁଳିରେ ଲିଖିତ
ମାଧୁର୍ଯ୍ୟ ର ପୂର୍ଣ୍ଣ ଶବ୍ଦେ ।
