ଲାଇବ୍ରେରୀ
ପ୍ରୋଫାଇଲ୍
ହୋଲି
ହୋଲି
1 min
239
କେଡେ ଭୁଲ ଟିଏ କଲି
ଜଗାଙ୍କୁ ଚିଠିଟିଏ ଲେଖିଦେଲି
ପ୍ରତିଶ୍ରୁତି ଏଠି ପାଣିର ଗାର
ପ୍ରତାରଣା ଦୁସ୍ଥ ମସ୍ତିଷ୍କର
ସନ୍ତୁଳନ ସନ୍ତୁଳିତ ସନ୍ତାପିତ କଥା
କାହିଁକି ଜଣେଇ ଦେଲି
ଜାଣିଛି ଘୋର କଳି କାଳ
ଆପଣା ସ୍ୱାର୍ଥ ରେ ଭରପୁର
କେତେ ଦେଲା ବାକି ଆଉ କେତେ
ହିସାବର ଫର୍ଦ ଫର୍ଦ ଗଣିହେଲି
କେଡେ ଭୁଲ ଟାଏ କଲି
ନିଜ ଭୁଲ ନିଜ ଠିକ କେତେ
ଝୁଣ୍ଟି ଝୁଣ୍ଟି ଆହତ ଯେତେ
ନିଜେ ନିଜକୁ ସୁଧାରିବି ବୋଲି
ପ୍ରତିଶ୍ରୁତି ଚିଠି ଦେଇଦେଲି
ଚକାଆଖି ହସନ୍ତି ଖିଲିଖିଲି
ଆଜି କଥା ଯିବି କାଳେ ଭୁଲି
ଋତୁମାନଙ୍କୁ କହିଦେବି କାଲି
ସେମାନେ ବି ପ୍ରତିଶ୍ରୁତି ରଖନ୍ତୁ ବୋଲି
ଅନୁସରଣ କରି ସୂର୍ଯ୍ୟ ଚନ୍ଦ୍ର ଓ ସତ୍ୟ
ଆଚରଣ ସଂଶୋଧନ କରିବାକୁ
ଖେଳି ଖେଳି ରଙ୍ଗର ହୋଲି l
