ହୋଲି
ହୋଲି
ହୋଲିକା ଦହନର ପାବନ ମୁହୂର୍ତରେ ଆସିଛି ହୋଲି
ଫଗୁ । ଅବିର ର ରଂଗାୟିତ ପରିବେଶରେ ଆସିଛି ହୋଲି
ପୁରୁଣା କଟୁତିକ୍ତ ଅନୁଭୂତି/ ସ୍ମୃତି ଭୂଲିବାରେ ଆସିଛି ହୋଲି ।
ହୋଲି ଆସିଛି : କରୋନାର ଦ୍ବିତୀୟ ଲହରରେ
ଦିନକୁ ଆଠ- ଅଲାଜୁକ ସାବଧାନରେ
କ୍ରମଶଃ ରକ୍ତରଂଜିତ ପବିତ୍ର ଉତ୍କଳ ଭୂଖଡରେ ।
ହୋଲି ଆସିଛି : କ୍ରମବର୍ଦ୍ଧିଷ୍ଣୁ ଦରଦାମ ଓ ନିଅଂଟିଆ ବଜେଟ୍ରେ
ଆର୍ଥିକ ଅସମାନତାର ଅପୂର୍ବ ଅର୍ଗଳୀରେ
ଅଡିଓ | ଭିଡିଓ ଭାଇରାଲ୍ ରାଜନୀତିରେ ।
ହୋଲି ଆସିଛି : ନୀତିକାଂତିହୀନ ସମାଜର ମୂଲ୍ୟଯୁକ୍ତ ବ୍ୟବସ୍ଥାରେ
ମାଟିର ବାସ୍ନା ପରିବର୍ତ୍ତେ ମାଂସର ଆମଂତ୍ରଣରେ
ପରାଜିତ ଫଗୁଣର ଅଂତର୍ଦାହଭରା ସିଂଫୋନୀରେ
ହୋଲି ଆସିଛି : ସବୁଜ କ୍ଷେତର ମନୋରମ କ୍ଷତରେ
ଅଫୁରଂତ ପ୍ରାଣପ୍ରାଚୁର୍ଯ୍ୟଭରା ପରିବେଷ୍ଟନୀରେ
ଆଗକୁ ବଢିବାର ବଜ୍ର ନିଘୋଷରେ
ହୋଲି ଆସିବ : ସଂପର୍କର ସୁରମ୍ୟ ସୃଜନଶୀଳତାରେ
ନୀତିଯୁକ୍ତ ସମାଜର ସାର୍ଥକ ସ୍ଵପ୍ନରେ
ପ୍ରଗତି ଓ ପରିବର୍ତନର ପୃଥକ୍ ଏକ ପରିଭାଷାରେ ।।