ହୋଲି ଉତ୍ସବ

ଆସ ହେ ଖେଳିବା ହୋଲି

ଫଗୁଣ ପରଶେ ମନର ହରଷେ

ଭେଦ ଭାବ ଧାରା ମନରୁ ଭୁଲି

ଆସ ହେ ଖେଳିବା ହୋଲି ।

ସ୍ନେହ ଶ୍ରଦ୍ଧା ଜୀବନେ ବଡ଼

ଆଉ ସବୁ ପଛକୁ ଛାଡ

ନୀଳ ଗଗନରୁ ନୀଳ ରଙ୍ଗ ନେଇ

ଏକ ମେଳେ ଆସ ଉଲ୍ଲାସେ ଚାଲି ।

ଧରା ଧାମରୁ ସବୁଜ ଶୋଭା

ତହିଁରୁ ଯେ ହରିତ ନେବା

ପଦୁଅଁ ଦେଲାଣି ଗୋଲାପି ରଙ୍ଗକୁ

ସାଧବ ବୋହୂରୁ ଆଣିବା ନାଲି ।

ତୋଟା ମାଳେ ଭାଳିବା ବସି

କୋକିଳରୁ କଳା ଆଉଁସି

ହଳଦୀ ବସନ୍ତ ଯେଉଁ ରଙ୍ଗ ଦେବ

ଦିଶୁ ଥିବୁ ପାଟ ପତନି ଝିଲୀ ।

ପ୍ରେମ ରଙ୍ଗ ସବୁଠୁ ମିଠା

ଛାଡେ ନାହିଁ ଏମିତି ଅଠା

ରାଧାକୃଷ୍ଣ ଭାବ କେଡେ ଅଭିନବ

ଗୋପି ବୁଲୁ ଥିଲେ ଗଳିକୁ ଗଳି ।

ଆଖି ମୁଖେ ରଙ୍ଗ ନଦେବ

ବିପଦରୁ ଦୂରେ ରହିବ

ଜୀବନ ବଞ୍ଚିଲେ ସବୁ କିଛି ଅଛି

ସେହି ପରା ଆମ ରତନ ମାଳି ।