ହଜିବା

କିଏ ହଜିଯାଏ ମେଳାରେ ହାଟରେ ଖୋଜିହୁଏ ନିଜଲୋକ,

କିଏ ହଜିଯାଏ ନିର୍ଜନ ପଥରେ ଦେଖି ସେ ବିରାଟ ଛକ |

କିଏ ହଜିଯାଏ ବଣ ଜଙ୍ଗଲରେ ଫେରିପାରେ ନାହିଁ ଆଉ,

କିଏ ହଜିଯାଏ ଅଜଣା ଜାଗାରେ ବହୁଲୋକ ଥାଉଥାଉ |

କିଏ ହଜିଯାଏ ଧନ ସଂପତ୍ତିରେ ଦିଶେନାହିଁ ଭଲବାଟ,

କିଏ ହଜିଯାଏ ପ୍ରେମ ନଦୀଜଳେ ପାଏନାହିଁ କୂଳ-ଘାଟ |

କିଏ ହଜିଯାଏ ଲେଖାରେ ପଢ଼ାରେ ନିଜକୁ ପାରେନା ଚିହ୍ନି,

କିଏ ହଜିଯାଏ ଭାବରେ ଭକ୍ତିରେ ଈଶ୍ୱରଙ୍କ ଗୁଣ ଗୁଣି |

କିଏ ହଜିଯାଏ ଖୋଜିବାରେ କିଛି ପାଗଳ ପରାଏ ହୋଇ,

କିଏ ହଜିଯାଏ ଜାଣି ଜାଣି ସିଏ ନିଜେ ଛଦ୍ମରୂପ ନେଇ |

କିଏ ହଜିଯାଏ ପ୍ରକୃତି ରୂପରେ ଅପରୂପ ଶୋଭା ଦେଖି,

କିଏ ହଜିଯାଏ ସବୁଦିନ ପାଇଁ ବୁଜିଦେଇ ଦୁଇଆଖି |