ନୀଳାଦ୍ରି ନାଥଙ୍କ ନୀଳାଦ୍ରି ବିଜେ
ନୀଳାଦ୍ରି ନାଥଙ୍କ ନୀଳାଦ୍ରି ବିଜେ
ପ୍ରଭୁ ଶ୍ରୀ ନୀଳାଦ୍ରୀ ନାଥ ରଥଯାତ୍ରା ସାରି ସେତ
ନୀଳ କନ୍ଦରେ ମନ୍ଦିରେ ନୀଳାଦ୍ରି ବିଜେ
ଶୁକ୍ଳପକ୍ଷ ଆଷାଢ଼ର ତ୍ରୟୋଦଶୀ ଯେ ତିଥିର
ନାନା ପୁଷ୍ପେ ନାନା ରଙ୍ଗେ ସୁନ୍ଦର ସାଜେ
ଆମର କାଳିଆ ଠାକୁର
ନବଦିନ ପରେ ଫେରେ ସେ ଶ୍ରୀମନ୍ଦିର l
ଭକ୍ତ ପ୍ରିୟ ଭାବଗ୍ରାହୀ ଭକ୍ତଙ୍କୁ ଦେଖିବା ପାଇଁ
ଘୋଷଯାତ୍ରା କରି ଯାଏ ଗୁଣ୍ଡିଚା ବାଡ଼ି
ଛାଡି ରତ୍ନ ସିଂହାସନ ଗୁଣ୍ଡିଚା ରାଣୀ ସମ୍ମାନ
ଆଡପ ମଣ୍ଡପେ ରହେ ସୁଖକୁ ଛାଡି
ସାଥିରେ ସୁଭଦ୍ରା ଭଉଣୀ
ଯାଇଥାନ୍ତି ବଡ଼ ଭାଇ ସେ ହଳପାଣି l
ମାନ ଅଭିମାନ କୋହ ହୃଦେ ଧରି ମାୟା ମୋହ
ଲଷ୍ମୀଦେବୀ କ୍ରୋଧ ହୋଇ ଦୁଆର କିଳେ
କରି ନାନା ଅପମାନ ପରିତୃପ୍ତ ହୁଏ ମନ
ମାନ ଭଞ୍ଜନେ ଶ୍ରୀ ଦେବୀ ଆନନ୍ଦ ମିଳେ
ଶ୍ରୀ ଲକ୍ଷ୍ମୀ ଦୁଆର ଖୋଲିଣ
ସନ୍ତୋଷେ ସ୍ୱାଗତ କରେ ମିଠା ଖାଇଣ l
ଆହେ ପ୍ରଭୁ ଚକାଡୋଳା ଧନ୍ୟ ତୁମ ଲୀଳାଖେଳା
ମାନବୀୟ ଲୀଳା କରେ ସେ ବଂଶୀଧର
ପରଂବ୍ରହ୍ମ ନିରାକାର ସଚେତନେ ଏ ସଂସାର
ଏ ଜୀବନ ନବ ଦିନ ଯେ କ୍ଷଣିକର
କାଳିଆ ନାମକୁ ଜପିଣ
ମଣିଷ ଜନମ ହେବ ସାର୍ଥକ ଜାଣ l