ହଜି ଯାଉଥିବା ସମୟ ଓ ନୀରବି ଯାଉଥିବା ଭାଷା

ଏଇ କିଛି ଦିନ ହେଲା ମୁଁ ଅନୁଭବ କଲି

 ଆମ ହାତ ପାହାନ୍ତରୁ ଯେଉଁ ସମୟଗୁଡାକ ହଜିଯାଉଛି

ତାକୁ ତ ଫେରି ପାଇବିନି,

  କିନ୍ତୁ କିଛି ସ୍ମୃତିମାନଙ୍କ ରହିଯାଉଛି ଅବଶୋଷ |

ବିବର୍ତ୍ତନବାଦୀ ସଂସାରର ଋତୁଚକ୍ରରେ

  ଧାଂ-ଧଉଡମୟ ପ୍ରତିଯୋଗିତାରେ

ହଜିଯାଉଛି କିଛି ଅଫେରନ୍ତା ସ୍ମୃତିର ମୁହୂର୍ତ୍ତ |

ସୁଖର ଇମାରତ ଗଢିବା ଭିତରେ 

 କିଛି ଅଚିହ୍ନା ଚେହେରା ଚିହ୍ନା ପାଲଟୁଛି,

  ଆଉ ଚିହ୍ନା ଅଚିହ୍ନାରେ ବଦଳିଯାଉଛି |

ବଦଳି ଯାଉଛି ଚିହ୍ନାକଣ୍ଠର ସ୍ଵର ଓ ହସ

ନୀରବି ଯାଉଛି ଭିତରୁ ଆସୁଥିବା ଭାଷା ଓ ଭାବ |

'ଜଗତେ କେବଳ ଜନେ ହସିବେ' ନ୍ୟାୟରେ

 ସେଇ ଶଗଡ ଗୁଳାର ରାସ୍ତାରେ ଚାଲିଛି ଜୀବନ |

ଏଇ କଣ ବିବର୍ତ୍ତନ ?

ଏଇ କଣ ପରିବର୍ତ୍ତନ ?

ଏଇ କଣ ନୂତନତ୍ତ୍ଵର ସନ୍ଧାନ, 

 ନା ସଂସାରର ନିୟମ ?

---ବୋଧ ହୁଏ, ଏହା ସମୟର ଆହ୍ଵାନ !