ହିସାବ ରହୁଛି ବାକି

   ହିସାବ ରହୁଛି ବାକି

    ପାରିବୁ ନାହିଁରେ ଫାଙ୍କି

ମୂଳ ସାଥେ ସାଥେ ସୁଧବି ଗଣିବୁ

ତୋ କଲା କରମ ଫଳ ତୁ ପାଇବୁ

 ବୁଜିବା ଆଗରୁ ଆଖି

    ପାରିବୁ ନାହିଁରେ ଫାଙ୍କି ।

ଏ ହାତର ପାପ ସେ ହାତ ନେବନି

ଲାଗିଗଲେ ଦାଗ ଆଉ ଛାଡିବନି

ତୋ ଆଖିରୁ ଲୁହ କେହିପୋଛିବେନି

ଆହା ପଦେ ଜମା କେହି କହିବେନି

ନିଜ ପାଇଁ ନିଜେ  ଗାତ ତୁ ଖୋଳୁଛୁ

     ସମୟ ରହୁଛି ଶାଖି

     ପାରିବୁ ନାହିଁରେ ଫାଙ୍କି ॥

ମରିଚିକା ପଛେ ନିଇତି ଧାଉଁଛୁ

ମିଛ ମାୟା ମୋହେ ବାଇ ତୁ ହେଉଛୁ

ପର ଧନ ଆଣି ଘରେ ଜମାଉଛୁ

ସେଧନରେ ଦାନ ଧରମ କରୁଛୁ

ତୁ ସିନା ଭାବୁଛୁ ପାପ ଧୋଉଅଛୁ

     ହସୁଅଛି କାଳ ଦେଖି

     ହିସାବ ରହୁଛି ବାକି ।