ହେବା ଆସ ସଚେତନ
ହେବା ଆସ ସଚେତନ
ଅନ୍ଧକାର ଗର୍ତ୍ତୁ ନିସ୍ରବି ଶୃଗାଳ
କୁହାଟୁଛି ଘନଘନ
ଜହ୍ନର ଆଲୋକେ ଦିଶେ କଳାଛାଇ
ବାଦୁଡି ପେଚା ଚେମଣ ।
ଗରଜୁଛି ନିଶା ଯୁଦ୍ଧ ଘନଘଟା
ମହାମାରୀ ଅନାଟନ
ଘାରୁଛି ବିଶ୍ୱକୁ ଭୟ ଓ ଆତଙ୍କ
ବଳବାନ ସଇତାନ ।
ବ୍ୟାପୁଛି ଅଜଣା ସ°କ୍ରାମକ ବ୍ୟାଧି
ହେଉଛି ଖଣ୍ଡପ୍ରଳୟ
ମିଳୁନାହିଁ ପଥି ରୋଗ ମହୈ।ଷଧି
ମାନବ ତ ନିରୁପାୟ ।
କମୁଛି ଔଜଲ୍ୟ ଜହ୍ନ ଶୀତଳତା
ଶ୍ମଶାନର ନୀରବତା
ଢାଙ୍କି ଦେଉଅଛି ମହାକାଳ ସତେ
କରାଳ ମୃତ୍ୟୁ ପରଦା ।
ହି°ସା କ୍ରୋଧ ଲୋଭ ଘୋର ଦାବାନଳ
ନ ମାନଇ ବାଡବତା
ଜୀଇ ଥାଉ ନିତି ମରୁଛି ମଣିଷ
ହରାଉଛି ସ୍ୱଚ୍ଛନ୍ଦତା ।
ଆସ ପରଖିବା ନିରେଖି ଦେଖିବା
କରିବା ଆତ୍ମ ମନ୍ଥନ
ବଞ୍ଚି ବଞ୍ଚାଇବା ସୁରକ୍ଷା ନିମନ୍ତେ
ହେବା ଆସ ସଚେତନ ।