ହେ ଶ୍ରୀରାମ

ହେ କୌଶଲ୍ୟା ନନ୍ଦନ କରୁଛି ବନ୍ଦନ

ତୁମ ନାମ ନେଇ ବିତୁ ଏ ଛାର ଜୀବନ ।

ହେ ଦଶରଥ ପୁତ୍ର ଅଯୋଧ୍ୟା ସମ୍ରାଟ

ତୁମରି ଆଶିଷେ ଆମ୍ଭେ ଚାଲୁଥାଉ ବାଟ ।

ହେ ଜଗତସ୍ୱାମୀ ମା' ସୀତାଙ୍କର ପତି

ସାରା ସଂସାରରେ ତୁମପାଇଁ ଅଛି ଭକ୍ତି ।

ହେ ରଘୁକୂଳ ବୀର ମର୍ଯ୍ୟାଦା ପୁରୁଷ

ବନବାସ ଗଲ ମାନି ପିତାଙ୍କ ଆଦେଶ ।

ହେ ସତ୍ଯର ପ୍ରତୀକ ତୁମେ ଲକ୍ଷ୍ମଣଙ୍କ ଭ୍ରାତା

ଗାଉଥାଉ ପ୍ରଭୁ ସଦା ଜନ ତୁମ ସତ୍ଯ ଗାଥା ।

ହେ ରାମଚନ୍ଦ୍ର ତୁମେ ପ୍ରଜାହିତୈଷି ଶାସକ

ତୁମ ହାତେ ଉଦ୍ଧାରହେ କେ ବଧିର-ମୁକ ।

ତୁମରି କଥାହିଁ ଶିଖାଏ ଜୀବନର ମନ୍ତ୍ର

ମହିମା ତୁମ ଅପାର ହେ ବଂଚୁ ଗଣତନ୍ତ୍ର ।