ಲೈಬ್ರರಿ
ಪ್ರೊಫೈಲ್
ହେ ଶୀତ
ହେ ଶୀତ
1 min
269
ଅନୁରାଗ ନେଇ ଆସିଛି ଶୀତ
ମନରେ ପୁଲକ ହୃଦୟେ ଗୀତ ।।
ଶୀତୁଆ ସକାଳ କଅଁଳ ଖରା
ଶାନ୍ତ ଶୀତଳତା ଦିଅଇ ଧରା ।।
କବିର କବିତା ଲେଖନୀ ସୁଅ
ସୁନ୍ଦର ସୃଷ୍ଟିରେ ଲାଗିଛି ମୋହ ।।
ସୁନା ଫଳାଇଛି ଚାଷୀର କ୍ଷେତ
ଜଗତ ଜନଙ୍କ ଆହାର ସେତ ।।
କୁହୁଡ଼ି ବସନ କାକର ଛିଟା
ମୋତି ବିନ୍ଦୁ ସତେ ଦିଶେ ମହୀଟା ।।
ଗୋଧୂଳି ଲଗନ କି ମନୋହର
ଧରଣୀ ମାଆ ମୋ ଦିଶେ ସୁନ୍ଦର ।।
ଶୀତ ବସନର ସୁପରିପାଟୀ
ସିଉଟର ଟୋପି କାନର ପଟି ।।
ଘୋଡ଼ାଇ କମ୍ବଳ ଶୀତୁଆ ରାତି
ପଲଙ୍କେ ପଡିଲେ ନିଦ ରାଜୁତି ।।
ପନି ପରିବାର ଖାଇବା ମଜା
ତରକାରୀ ଖଟା ସନ୍ତୁଳା ଭଜା ।।
ଅନୁରାଗେ ସତେ ଶୀତ ଆସିଛି
ପୁଲକିତ ହୃଦେ ଗୀତ ଗାଉଛି ।।
