ଲାଇବ୍ରେରୀ
ପ୍ରୋଫାଇଲ୍
ହେ ଶୀତ
ହେ ଶୀତ
ଶୀତ ତୁମେ ଆସ ସକାଳର ରକ୍ତିମା ଓଠରେ
ସୁନାଝରା ପଉଷର ଶୀତଳ ବାଆରେ
ମଗୁସୁର ଘନ କୁହୁଡିର ଛାୟାରେ
ହାଡଭଙ୍ଗା ଜାଡର ଗାଲିଚା ଧରି
ମାେ ମା,ର ପାଚିଲା ଧାନକେଣ୍ଡାରେ।।
ଶୀତ ତୁମେ ଆସ
ଥିରିଥିରି କୁଳୁକୁଳୁ ସମୀରଣ ତୋଳି
ଟୁପ ଟାପ ଶବ୍ଦମାଧୁରୀରେ
ଅବା ବରଫ ଶେଯରେ
ଭାରି ଭଲଲାଗେ ତୁମେଥିଲେ
ମୋ ଶୋରିଷକ୍ଷେତରେ।।
ତମେ ଆସିବ ବୋଲିତ
ମୁଁ ରାତି ସାରା ଅନିଦ୍ରା
ମେଞ୍ଛାଏ ଦହନ କାଠର ଜ୍ବାଳାରେ
ମଞ୍ଜଥରା ବାତର ସୁନୀଳ ଫରୁଆରେ
ମା,ବୁଢିର ପିକଦାନୀ ଅମୃତ ମଣୋହିରେ
ଭାରି ଭଲ ଲାଗେ ଦୋକ୍ତାର ସୁକ୍ତିରେ
ଜୀବନ ଏଠି ଚଳଚଞ୍ଚଳଓହୋଃ ଆହାଃ
ଶବ୍ଦରେ ଶବ୍ଦରେ ଶବ୍ଦରେ।।
ଶୀତ ତୁମେ ଆସ ମୋ ଚାଳପିଢାରେ
ଲାଉଡଙ୍କ ଆଉ ଶିମ୍ବଲଟୀ ତାଳେତାଳେ
ମଦରଙ୍ଗା ପୋଇଭାଡିର ଚଟାଣରେ
ରବି ଫସଲର ସୁନା କିଆରୀରେ
ତୁମେ ଆସ ମୋ ଅମଳର ଖଳାପଠାରେ
ବଣବିଲ ପାହାଡି ଝରଣାର କୁଳରେ
ରିମ୍ଝିମ ରେଶମୀ ଓଢଣୀଦେଇ ll
ଲାଲଟୁକୁ ଟୁକୁ ସାଧବ ବୋହୂର
ମନ୍ଥରଗାମିନୀର ଚାଦର ତଳେ
ଆସ ବୁଲିଯିବା ବଣଭୋଜି
ଅବା ପର୍ଯ୍ୟଟନ ଗୁହାରେ
ଆସ ତୁମେ ଧିରେଧିରେ
ମୋ ପରିବର୍ତ୍ତନର ଋତୁ ସଂଭାରେ।।
