ହେ ମଙ୍ଗଳମୟ ଈଶ୍ଵର

 

ହେ ମଙ୍ଗଳମୟ ଈଶ୍ବର

           ତୁମେ ବ୍ରହ୍ମାଣ୍ଡର ଠାକୁର,

ଚଉଦ ଭୁବନର ସୃଷ୍ଟି କରତା

      ସକଳ ଜୀବଙ୍କର ଭାଗ୍ୟ ବିଧାତା,

ତୁମେ ତ ଦୟାର ସାଗର

         କର ହେ ଉଚିତ ବିଚାର।୦।

ତୁମରି ଆଜ୍ଞାରେ ସଂସାର

            ଚାଲୁଅଛି ଯେ ନିରନ୍ତର,

ହୁଏ ଯା' ହେବ ଯା' ତୁମରି ଇଚ୍ଛାରେ

     ଅଛ ତୁମେ ତ ପ୍ରାଣୀର ମଙ୍ଗଳରେ,

ତୁମେ ହିଁ ତ କରୁଣାକର

         ସଂକଟେ ଜଗତ ଉଦ୍ଧାର।୧।

ସବୁ କ୍ଷର ତୁମେ ଅକ୍ଷର

            ତୁମର ମହିମା ଅପାର,

ଥାଉ ଭାବ ଭକ୍ତି ମୋର

             ତୁମଠାରେ ନିରନ୍ତର।

       ସୁପଥ ଦେଖାଅ ରହି ଅନ୍ତରରେ,

ଶରଣେ ରଖ ତୁମର

          ଦୁଃଖରୁ ପାଏ ନିସ୍ତାର।୨।

ଅଜ୍ଞାନତା ଦୂର କର

         ନ ରହୁ ମୋହ ମନେ ମୋର,

ନ ପଡ଼େ ମୁଁ ଲୋଭ ମିଛର ମାୟାରେ 

       ରଖିଥାଅ ପ୍ରଭୁ ସତ୍ୟର ପଥରେ,

ତୁମେ ନାଥ ହେ ଅନାଥର

        ତୁମ ପାଦେ କରେ ଜୁହାର।୩।