ହେ ଚଳନ୍ତି ଦିଅଁ
ହେ ଚଳନ୍ତି ଦିଅଁ
1 min
169
ପଚାରିଲେ ନି କେହି ଜଣେ ଆସି
ବୟସ ମୋ ଗଲା ସରି
ପୁଅ ଚାଲିଗଲା ମୋ ବୋହୁ ସାଥିରେ
ଝିଅ ଜ୍ବାଇଁ ହାତ ଧରି
ଆଶା କରିଥିଲି ମରଣ କାଳରେ
ଦେବେ ମୁହେଁ ପାଣି ଟୋପେ
ଝୁରି ଝୁରି ମୋର ନୟନରୁ ନୀର
ମୁହଁରେ ସର୍ବଦା ଥିପେ
କହେ ବୁଢୀ ଚାହିଁ ସୂର୍ଯ୍ୟ ଦେବତାଙ୍କୁ
ଦେଖ ହେ ଚଳନ୍ତି ଦିଅଁ
ପୁଅ ବୋହୁ ଝିଅ ଜ୍ବାଇଁ ଙ୍କୁ ମୋହର
ଭଲରେ ତୁ ରଖିଥାଅ
ବୟସର ଅପରାହ୍ନରେ କରୁଛି
ଏତିକି ଗୁହାରୀ ଆଜ
ଚାଲି ଚାଲି ଯିବି ମୋ ଗନ୍ତବ୍ୟ ମାର୍ଗେ
ହେଇ ସାରିଲାଣି ସଜ
ନାତି ମୋର ହେବ ଏ ଦେଶର ରଜା
ସୁଖେ ପାଳୁଥିବ ପ୍ରଜା
ମୁହିଁ ବୁଢୀ ତା'କୁ ସ୍ବର୍ଗୁ ଦେଖୁଥିବି
ଲାଗୁଥିବ ମୋତେ ମଜା
ନାତୁଣୀ ଟା ମୋର ସେବା କରୁଥିବ
ଏହି ଧରିତ୍ରୀ ମାତାର
ଜନମଟା ମୋର ହୋଇବ ସାର୍ଥକ
ଏତିକି ଗୁହାରି ମୋର