ହାତୀ ମୋର ସାଥୀ

ନିଦାଘର ହୁତାଶନସମ ରୌଦ୍ରତାପେ

ସନ୍ତାପିତ ପ୍ରାଣୀକୁଳ  ସୂରୁଯ ଉତ୍ତାପେ ।

ବୃକ୍ଷହୀନ ଭୂଧର କାନନ କ୍ଷୀଣକାୟ

ଶୁଷ୍କପତ୍ରେ  ନିଆଁଲାଗି ଜାଗଇ  ଶଂଶୟ ।

ବନ୍ୟପ୍ରାଣୀ  ନିରାଶ୍ରୟ  ମନେ ଅଗ୍ନିଭୟ,

ହାତୀ ମୋର ସାଥୀ ଆଜି ଅଟେ ନିରାଶ୍ରୟ ।

କୁଆଡେ ଯିବ ବୋଲି ତାକୁ ନ ଦିଶଇ ବାଟ

ଖାଦ୍ୟପାଇଁ  ଶସ୍ୟ କ୍ଷେତ  ଦିଶେ ତାକୁ ପାଟ ।

ବଣ ପାହାଡକୁ ଛାଡି ରାଜରାସ୍ତା ଡେଇଁ

ଆସୁଅଛି ଗ୍ରାମ ନଗ୍ରେ ସେ ବିକଳ ହୋଇ ।

ଦିଅ ତାକୁ ଖାଦ୍ୟପେୟ ସାଧ୍ୟମତେ ଭାଇ

 ହାତୀ ମୋର ସାଥୀ ଅଟେ ଶତ୍ରୁ ସେ ନୁହଇ।

ପ୍ରାଣ ବିକଳରେ ଆସେ  ଗ୍ରାମକୁ ପଳାଇ  

ଦିଅନାହିଁ ମୋ ସାଥିକୁ ତୁମେ ଘଉଡାଇ ।