ହାତ ଧରି ମୋର ସାଥେ ଚାଲୁଥିଲେ

ତୁମେ ଭରିଅଛ ଆଖିରେ ସପନ

ତୋଳିଅଛ ହୃଦେ ପ୍ରୀତିର ଚାନ୍ଦ

ହାତ ଧରି ମୋର ସାଥେ ଚାଲୁଥିଲେ

ଡେ଼ଇଁଯିବି ସବୁ ବାଧାବିପଦ

ତୁମେ ଶିଖାଇଛ ସମ୍ପର୍କର ପାଠ

ବିଶ୍ୱାସ ଭରସା ମଧୁର ଗୀତ

ହାତ ଧରି ମୋର ସାଥେ ଚାଲୁଥିଲେ

 ସୁଗମ ହୋଇବ ଜୀବନ ପଥ

ତୁମେ ସଜାଇଛ ମନକୁ ମୋହର

ପ୍ରୀତି ଅନୁରାଗ ମଧୁ ରସରେ

ହାତ ଧରି ମୋର ସାଥେ ଚାଲୁଥିଲେ

ତୋଳିଦେବି ଘର ପ୍ରେମ ରାଜ୍ୟରେ

ତୁମେ ଭିଜାଇଛ ତନୁ ଓ ମନକୁ

ପ୍ରୀତି ମଳୟର ସ୍ନିଗ୍ଧ ସ୍ପର୍ଶରେ

ହାତ ଧରି ମୋର ସାଥେ ଚାଲୁଥିଲେ

ଜୀବନ ଜୀଇଁବି ହସଖୁସିରେ

ତୁମେ ବୋଳିଅଛ ପ୍ରେମର ଅବିର

ରଙ୍ଗରେ ଆଚ୍ଛନ୍ନ ମନ ଓ ପ୍ରାଣ

ହାତ ଧରି ମୋର ସାଥେ ଚାଲୁଥିଲେ

ଗାଉଥିବି ସଦା ପ୍ରୀତିର ଗାନ