ହାସ୍ୟ ଦିବସର ଭାବନା

ହସ ଦିଏ ମନେ ଆହା କି ଆମୋଦ

ହସୁ ସ୍ରବଇ ପୀୟୂଷ

ଚେନାଏ ହସରେ ଦୂର ହୋଇ ପାରେ 

ଅଶେଷ ଯାତନା କ୍ଳେଶ ॥

ସୁସ୍ଥ ସବଳ ଓ କାର୍ଯ୍ୟକ୍ଷମ କରେ 

ହସ ଯେ ପ୍ରାଣୀ ସମାଜେ  

ନବ ଉଦ୍ଦୀପନା ବିପୁଳ ଭାବନା

ଫୁଟେ ହସର ସାହାଯ୍ୟେ ॥

ହସ ହସ ମୁଖ ଦୂର କରେ ଦୁଃଖ

ବାନ୍ଧଇ ମୈତ୍ରୀ ବନ୍ଧନେ 

ସ୍ନେହ ସହଯୋଗ ନବୀନ ଉଦଯୋଗ

ଜାଗୃତି ମାନବ ମନେ ॥

ଏଣୁ ହେ ସକଳେ ସଦା କୌତୂହଳେ

ହସି ହସାଇବା ପାଇଁ

କରିବା ଯତନ ଫୁର୍ତ୍ତି ତେଜେ ମନ

ନେବା ପାଇଁ ବିକସାଇ ॥

ଅପାର ଆନନ୍ଦ ଅଭିନବ ଛନ୍ଦ

ତୋଳି ଯହିଁ ରଚେ ଲୀଳା

ମାନବ ସୃଷ୍ଟିର ତା' ଚିର ଭାସ୍ୱର

ଅଟଇ ଯେ ହାସ୍ୟ ‐କଳା ॥