ହାପି ହାଲୋଓ୍ୱିନୀ
ହାପି ହାଲୋଓ୍ୱିନୀ
ପାଶ୍ଚାତ୍ୟ ସଂସ୍କୃତି ମହାନର ପର୍ବ
ଅଟେ ହାପି ହାଲୋ୍ୱିନ
ମଜା ଓ ତାମସା ଲାଇଟ ର ପର୍ବ
ଆରମ୍ଭର ଥଣ୍ଡାଦିନ l
କୁନି କୁନି ପିଲା ପିନ୍ଧି ଭୁତ ଜମା
ହାତେ ପମ୍ପକିନ ଧରି
ଦ୍ୱାରେ ଦ୍ୱାରେ ଯାଇ ଚକୋଲେଟ ଖାଇ
ବୁଲନ୍ତି ମଜା ଯେ କରି l
ସହର ବଜାର ଉତ୍ସବ ମଣ୍ଡିତ
ଲାଇଟ ପମ୍ପକିନ ର
ନର ନାରୀ ସବୁ ପିନ୍ଧନ୍ତି ପୋଷାକ
ପରିପାଟୀ କଂକାଳର l
ଅକ୍ଟୋବର ମାସ ଶେଷ ରବିବାର
ହାପି ହାଲୋଓ୍ଵିନ ଦିନ
ଫସଲ ଅମଳ କରିବାର ପର୍ବ
ଖୁସିରେ ପାଳନ୍ତି ଜନ l
କଖାରୁ କାଟିକି ମୁହଁର ଆକୃତି
ମଧ୍ୟରେ ମହମବତୀ
ଘରେ ଘରେ ରଖି ଜାଳନ୍ତି ଆଲୋକ
ଆନନ୍ଦେ ଉଲ୍ଲାସେ ମାତି l
ପଶୁ ପକ୍ଷୀ ହାଡ଼ ଜାଳିକି କରନ୍ତି
ଭୁତ ପ୍ରେତ ମନ ଖୁସି
ଖରାପ ନଜର ପିଲାଙ୍କ ଉପରୁ
କାଟନ୍ତି ଭଲ ମନାସୀ l
ବାପା ମାଆ ପିଲେ ଆନନ୍ଦିତ ମନେ
ରାକ୍ଷସ ପୋଷାକ ପିନ୍ଧି
ଚକୋଲେଟ କେକ ପ୍ରସ୍ତୁତ କରନ୍ତି
ହାପି ହାଲୋଓ୍ଵିନ ପାଳି l
ଭାରତ ବର୍ଷ ର ଦୀପାବଳି ଭଳି
ହାଲୋଓ୍ଵିନ ଦୀପ ପର୍ବ
ପୂର୍ବ ପୁରୁଷଙ୍କ ମୁକ୍ତିର ସକାଶେ
କରାଯାଏ ଏହି ପର୍ବ l
ପ୍ରଥା ରୀତି ସବୁ ପୁରୁଣା କାଳର
ଏବେବି ହୁଏ ପାଳନ
ବିଜ୍ଞାନର ବଳେ ଜାଣିଲେ ସତ୍ୟତା
ଦୃଢ଼ୀଭୂତ ହୁଏ ମନ l
ପୂର୍ବ ପୁରୁଷ ଙ୍କ କଥା ଜାଣିବାକୁ
ଉତ୍ସାହ ଆସେ ମନରେ
ସମୟ କ୍ରମରେ ବଦଳି ଗଲାଣି
ରୂପରେଖ ସମାଜରେ ll