ଗୁରୁଙ୍କୁ ନମଣିବ ନର

ଗୁରୁ ବ୍ରହ୍ମା ବିଷ୍ଣୁ ଗୁରୁ ମହେଶ୍ୱର

  ଗୁରୁ ହିଁ ଜଗତେ ସାର

ଗୁରୁଙ୍କୁ କେବେ ହେଁ ନମଣିବ ନର

  ସଂସାରୁ କରନ୍ତି ପାର ll

ଗୁରୁ ହର୍ତ୍ତାକର୍ତ୍ତା ଦଇବ ବିଧାତା

 ଅଜ୍ଞାନ ଅନ୍ଧାର ନାଶି

ଆଲୋକ ପଥରେ ନିଅନ୍ତି ଚଳାଇ

 ବିପଥେ ଯାଏ ଯେ ଭାସି ll

ଗୁରୁଙ୍କର ବାଣୀ ଅମୃତ ସମାନ

 ଯେ ଶିଷ୍ୟ କରଇ ପାନ

ତିନି ଭୁବନରେ ବଳିଆନ ହୋଇ

  ରଖିଥାଏ ଯଶମାନ ll

ଆଧ୍ୟାତ୍ମିକ ଚିନ୍ତା ନୈତିକତା ଶିକ୍ଷା

 ଶସ୍ତ୍ରଶାସ୍ତ୍ର ଶିକ୍ଷା ଦେଇ

ଚରିତ୍ର ଗଠନେ ଦେଇ ଆତ୍ମଜ୍ଞାନ

 ଶିଷ୍ୟଙ୍କୁ ଗଢ଼ନ୍ତି ସେଇ ll

ତ୍ରିତାପ ବନ୍ଧନୁ ଉଦ୍ଧାର କରନ୍ତି

 ଗୁରୁ ହିଁ କେବଳ ଏକା

ଭବ ବନ୍ଧନରୁ ମୁକତି ଦିଅନ୍ତି 

 ହରିଥାନ୍ତି ସବୁ ଦକା ll