ଗୁରୁଙ୍କ ପ୍ରକାର ଭେଦ

ଅନ୍ଧାରୁ ଆଲୋକ ପଥ ଯେ ଦେଖାଏ

   ଜୀବନର ଶ୍ରେଷ୍ଠ ଗୁରୁ

ଗୁରୁତ ନୁହନ୍ତି ସାଧାରଣ ଏଠି

    ଗରୁ ସେହୁ ମେରୁ ଠାରୁ ll

ଗୁରୁ ସମ ବ୍ରହ୍ମା ଗୁରୁ ସମ ବିଷ୍ଣୁ

    ଗୁରୁ ସମ ମହେଶ୍ୱର

ଗୁରୁ ପାଦତଳେ ନିତି ସେବା କଲେ

    ସାର୍ଥକ ହୁଏ ସଂସାର ll

ସ୍କନ୍ଦ ପୁରାଣରେ ବର୍ଣିତ ହୋଇଛି

   ଗୁରୁ ତ ସାତ ପ୍ରକାର

ପ୍ରଥମ ଗୁରୁଟି ସୂଚକର ନାମେ

   ଶିକ୍ଷା ଗୁରୁ ଜୀବନର ll

ଦ୍ୱିତୀୟ ଗୁରୁଙ୍କ ନାମଟି ବଚକ

   ସତ ମାର୍ଗେ ଯେ ନିଅନ୍ତି

ତୃତୀୟେ ବୌଦ୍ଧିକ ଗୁରୁ ହୋଇ ଯିଏ

   ଧର୍ମ ପଥେ ନେଇଥାନ୍ତି ll

ଚତୁର୍ଥ ଗୁରୁଟି ନିଷିଦ୍ଧ ଗୁରୁ ଯେ

   ଅଟେ ଯେହୁ ବିଷମୟ

ପର କୁତ୍ସା ଆଉ ପର କ୍ଷତି ଶିକ୍ଷା

   ମୁଖେ ସଦା ଯାର କାୟ ll

ପଞ୍ଚମେ ବିହିତ ଈଶ୍ୱରଙ୍କ ପଥ

   ପ୍ରଦର୍ଶକ ହୋଇଥାଏ

ଷଷ୍ଟ ଗୁରୁ ନାମ କର୍ଣ୍ଣାକ୍ଷର ଗୁରୁ

   କର୍ଣ୍ଣ ମନ୍ତ୍ର ଯିଏ ଦିଏ ll

ସପ୍ତମରେ ଶ୍ରେଷ୍ଠ ପରମ ଗୁରୁ ତ

   ଅକାଟ୍ୟ ତାଙ୍କ ବଚନ

ସେ ଗୁରୁ ସେବାତ ଜୀବନେ ମିଳିଲେ

   ଜନ୍ମ ମୃତୁରୁ ନିର୍ବାଣ ll