ଗୁରୁ ନାମ
ଗୁରୁ ନାମ
ଧରି ଥାଆରେ ଗୁରୁ ନାମକୁ
ପାର ହେବୁ ଯଦି ଭବ ଜଳକୁ।
ଆୟୁଷ ତୋ ଯାଉଛି ବିତି
ମାଡ଼ି ଆସଇ କାଳ ରାତି।
ବାଟ ଆଉ ଅଳପ ବାକି
ଆଉ ବନ୍ଧୁ ଯାଅନା ଥକି।
ଅଢେଇ ଦିନରୁ ଦି ଦିନ ଗଲାଣି
ଏତେ କାହିଁ ମୋହ ଆଉ ବେଳାକୁ।
ଧରି ଥାଆରେ ଗୁରୁ ନାମକୁ।
ଖେଳି ଖେଳି କେତେ ଯେ ଦିନ
କାଟି ଦେଲୁ ବାଉଳା ମନ।
ମନର ତୁ ବୋଲାଇ ଦାସ
ବୁଦ୍ଧି ବିବେକ ଗଲା ନାଶ।
ଯାହାଆ ଗଲା ଏବେ ଭୁଲି ସବୁ ଚିନ୍ତା
ପ୍ରଭୁ ପାଦେ ଏବେ ଦିଅ ମତିକୁ।
ଧରି ଥାଆରେ ଗୁରୁ ନାମକୁ।
ସମରପି ତା ପାଦେ ସବୁ
ମାଗ ନାହିଁ କିଛିରେ ବାବୁ।
ଆକୁଳେ ତା ପାଦକୁ ଧରି
ଲୋତକ ତୁ ଦିଅ ନିଗାଡ଼ି।
ବିଗଳିତ ହେବେ ଭକ୍ତିରେ ତୋ ନାଥ
ମଥାକୁ ଆଉଁସି ନେବେ କୋଳକୁ।
ଧରି ଥାଆରେ ଗୁରୁ ନାମକୁ।