ଗୁଣ୍ଡୁଚି ମୂଷା

ଗୁଣ୍ଡୁଚି ମୂଷା 

ଗଛ କୋରଡ଼ରେ କରିଛି ବସା 

ଖଳାରେ ଶୁଖିଛି ଧାନ 

ଗଛ ତଳେ ଆସି ନଟର ପଟର

ଧାନ ଖାଇବାକୁ ମନ ll

ବୁଢ଼ୀ ମାଉସୀ 

ବାଡ଼ି ଧରି ହାତେ ଜଗିଛି ବସି 

ଖରା ମାରେ ଟାଇଁ ଟାଇଁ 

ଧାନ ଖାଇବାକୁ ଗୁଣ୍ଡୁଚି ମୂଷାର 

ମନ ଖାଲି ହାଇଁ ପାଇଁ ll

ଗୁଣ୍ଡୁଚି ଚାହିଁଛି ବସି 

ବୁଢ଼ୀ ଚାଲିଗଲେ ଘରକୁ ତା'ର 

ଧାନ ଖାଇଦେବ ଆସି ll

ବୁଢ଼ୀ କି ଯାଉଛି ଛାଡି 

ଗୁଣ୍ଡୁଚିକୁ ଦେଖି ବୁଢ଼ୀ ମାଉସୀ 

ଉଚେଇ ଦେଲା ତା' ବାଡ଼ି ll

ବାଡି଼କୁ ଦେଖି 

ଗୁଣ୍ଡୁଚି ଚାହିଁଲା ମଥାକୁ ଟେକି 

ଗୁଣ୍ଡୁଚି ମାରିଲା ଛୁ 

ବୁଢ଼ୀ ମାଉସୀର ଚଗଲା ନାତି 

ହସି ଦେଲା ହୁ..... ହୁ..... ll