ଗଉଡ଼ ପୁଅ ସଉକ

ଆହା କି ସଉକ ଗଉଡ଼ ପୁଅର

    ଗୋରୁ ଚରାଇଲ ବନେ.

ବଂଶ ନାଶ କରି କଳିଯୁଗେ ତୁମେ

    ପୂଜା ପାଅ ଦାରୁବ୍ରହ୍ମେ.

ପ୍ରଭୁ, ବସି ରତ୍ନ ସିଂହାସନେ. l0l

କ୍ଷୀରି ଖେଚୁଡ଼ିରେ ଦଧି ଲବଣୀରେ

    ଭାସୁଥିଲା ଗୋପପୁର.

ଷାଠିଏ ପଉଟି ଅବଢ଼ା ମନ୍ଦିରେ

    ନିତି ମଣୋହି ତୁମର.

ପୁରୁଷ ଉତ୍ତମେ ଗୋପେ ଜନମିଲ

    ଏଠି ପ୍ରଭୁ ଦାରୁବ୍ରହ୍ମ. l1l

କେଳି କରୁଥିଲ ଗୋପିଗଣ ସଙ୍ଗେ

    ଯମୁନା କଦମ୍ବ ମୂଳେ.

ସାଗର କୂଳରେ ଭକ୍ତଗଣ ମେଳେ

    ଏଠି ତ ବଡଦେଉଳେ.

ବଡଦାଣ୍ଡେ ରଥଯାତ୍ରା ଭିଆଇଲ 

    ରାସକେଳି କୁଞ୍ଜବନେ. l2l