ଗୁଡ ନାଇଟ୍

ତୋର କଣ ବିଶ୍ୱାସ ହୁଏ ନା,

ଏ ପାଗଳ ସମର୍ପି ଦେଇଛି

ପାପ ପୁଣ୍ୟର ହିସାବ କିତାବକୁ ଖାତିର ନ କରି

ଏବେ ତ ଫେରିବା ନୁହେଁ ସମ୍ଭବ

ଲେଉଟିବା ପ୍ରତାରଣା ପ୍ରାୟ

ନିଃଶ୍ୱାସ ପ୍ରଶ୍ୱlସରେ ତୋରି ମହକ

ତୋ ବିନା ବଞ୍ଚିବା ଯେ ଏବେ ଦୁଷ୍କର!!

ତୋର କଣ ବିଶ୍ୱାସ ହୁଏ ନା,

ତମାମ ରାତି ମୋର ଜାଗର ,

ମୋବାଇଲରେ

"ଶୋଇ ପଡିଲଣି କି"??

ଏତିକି ଶୁଣିବାକୁ ଆଉ ଦେଖିବାକୁ

ପ୍ରହର ପରେ ପ୍ରହର,

ବଇରୀ ତ ସାଜିଲେଣି

କ୍ଷଣ ପ୍ରତିକ୍ଷଣ

ହେଇ ଦେଖୁନ,

ଏ ମୁହୂର୍ତ୍ତ କେମିତି ଦାଉ ସାଧୁଛି

କଟିବାର ନାଆଁ ନେଉ ନି,

ମାେ ମୋବାଇଲରେ,

"କଲ୍" କି "ଗୁଡ୍ ନାଇଟ" ବାର୍ତ୍ତା ବି ଆସୁନି !!