ଗରମ

ଅସହ୍ୟ ହେଉଛି ଗରମ

    ଆକାଶରୁ ବରଷେ ନିଆଁ 

ଦେହରୁ ବହୁଛି ଝାଳ

    ସବୁଠି ଶୁଷ୍କତାର ଧୂଆଁ l

ତୁଷାର୍ତ୍ତ ପାଇଁ ନୀର

   ଗ୍ରୀଷ୍ମ ପ୍ରବାହରେ ଅମୃତ

ଶୁଷ୍କ ତରୁଗଣ ବିକଳେ

      ଡାକନ୍ତି ଶୁଣ ଆରତ l

ଛଟପଟ ହୁଏ ପ୍ରାଣୀଜଗତ

   ପୋଖରୀ ଗାଡ଼ିଆ ଶୁଖେ 

ବିଲ ବାଡ଼ି ଫସଲ

    ପୋଡି ଝଡିଲାଣି ଦୁଃଖେ l

ଏତେ ହା ହା କାର

   ମଧ୍ୟରେ ପ୍ରବାହ କାକର 

ହେଉଅଛି ମଧ୍ୟେ ମଧ୍ୟେ

    ବହି ଖୋଲୁ ଖୋଲୁ ମୋର l

ବନ୍ଦପାଇଁ ହୁଏ ଡାକରା

    ଖୁସି ମନେ ମରେ

ଦେଖେଇ ଆନନ୍ଦ ଧାରା 

   ମୋତେ ହାତ ଠାରେ l

ପାଠ ପଢ଼ା ଦୂରେ

  ଗରମ ଥଣ୍ଡାର ଲୁଚକାଳି

ଖେଳ ଦେଖି ଦେଖି

  ଆଶାଫୁଲ ଯାଏ ମଉଳି l

କେତେ ରଙ୍ଗୀନ ବହି

   ଯତନେ ମଲାଟ ମାରି

ରଖିଛି ସାଇତି ଥାକେ

    ପଢିବାକୁ ଇଚ୍ଛା ମୋହରି l

ବନ୍ଦ ଖୋଲା ଶୁଣି

   ମନ ଅଥୟ ଭାରି

କିଏ ସେ ବୁଝିବ

  ଏହି ଅସ୍ଥିରତା ଆମରି l