ଗୃହବନ୍ଦୀ
ଗୃହବନ୍ଦୀ
କରୋନା ଦେଇଛି ଛନ୍ଦି ଆଜି ସବୁ ଗୃହବନ୍ଦୀ
ସତେକି ବିକଳ ଜୀବନ ଆକୁଳ
ପ୍ରାଣେ ପ୍ରାଣେ ଯନ୍ତ୍ରଣାର ୟେ ଚିରାଳ
ଜୀବନ ହେଉଛି ଧନ୍ଦି ।
ବନ୍ଦୀ ଜୀବନର ଦୁଃଖ ଅସହ୍ୟେ କରେ ବିମୁଖ
ସମ୍ପର୍କ ଛିଣ୍ଡାଇ ଦେଇଛି କରୋନା
ସତେକି ସମାଜ ହୁଏ ବାଟବଣା
ସମାପ୍ତ ହୁଏ ବିବେକ ।
ଏ ବନ୍ଦୀ ଜୀବନେ ସୁଖ ନେଇଛି ଛଡ଼ାଇ ଦୁଃଖ
ଦେଇ ବଢ଼ାଉଛି ମାନସିକ ଚିନ୍ତା
ଅବଶ ସମାଜ ଜଳେ ନିତି ଚିତା
ହଜିଯାଏ ଶାନ୍ତି ମୈତ୍ରୀ ।
ଚଳ ଚଞ୍ଚଳ ସମାଜ ଆଜି ନିଥର ନିର୍ବାକ
ଗୃହବନ୍ଦୀ ଭାଙ୍ଗି ଦେଲାଣି ଧର୍ଯ୍ୟ
ମାନସିକ ଚାପ କବଳେ ସମାଜ
ନଇଁଆସେ କାଳ ରାତି ।
ଏହି ରାତି ପାହିଯିବ ଅମୃତ ବେଳା ଆସିବ
ନିତାଇ ଗଉର ଶ୍ୟାମ ନାମ ଭଜ
ବିପଦୁ ପାରି କରିବେ ବ୍ରଜରାଜ
ଫେରି ଆସିବରେ ଶାନ୍ତି ।
ବନ୍ଦୀ ଶାଳ ଯିବ ଭାଙ୍ଗି ସୂରୁଯ ରଙ୍ଗେ ଦିଗାଙ୍ଗୀ
ଉଦ୍ଭାସିତ ହେବ ଲଗାରେ ଲଗାମ
କର ପରିହାର ଅମାନିଆ ପଣ
ବିପଦୁ ହୋଇବୁ ମୁକ୍ତି ।