ଗର୍ବରେ କୁହ ମୁଁ ଓଡ଼ିଆ

ଭାଷାକୁ ନେଇ ଗଢା ଓଡିଶା ରାଜ୍ୟ  

ଦେଶରେ ପ୍ରଥମ  

ବିଶ୍ୱରେ ଶ୍ରେଷ୍ଠ ଭାଷା ମଧ୍ୟରେ ଓଡ଼ିଆ 

ଭାଷା ଅନ୍ୟତମ |୧|

ମାତୃଭାଷା ମାତୃଭୂମି ଉଭୟ ଆମ 

ଓଡ଼ିଆଙ୍କର ଜନନୀ  

ଆସ ସମସ୍ତେ ସେବିବା ତାଙ୍କୁ ଭକ୍ତି

ଭରେ ଦିବସ ରଜନୀ |୨|

ସାରା ଭାରତର ପ୍ରାଚୀନ ଭାଷାରେ 

ଷଷ୍ଠ ଶାସ୍ତ୍ରୀୟ ଭାଷା  

ମାତୃଭାଷାକୁ କଲେ ଆଶ୍ରା ପୂରିବ 

ଆମର ସବୁ ଅଭିଳାଷା |୩|

ସୀମାହୀନ ସ୍ୱପ୍ନ ଥିଲା କଳିଙ୍ଗର ଭୂମି

ପୁତ୍ର ବିଜୁ ବାବୁଙ୍କର

ଏ ଓଡ଼ିଆ ଚଢିବ ଉତ୍ତୁଙ୍ଗ ପାହାଡ  

ଉଡିବ ନୀଳ ଆକାଶ ଉପର |୪|

ସୁବାଷ ବୋଷ ଥିଲେ ବିପ୍ଳବର ବହ୍ନିଶିଖା  

ଇଗଲ୍ ଝଡ଼ର 

ବୀର ପ୍ରସବିନୀ ଉତ୍କଳ ମାଟିର ସୁରେନ୍ଦ୍ର 

ଜ୍ୱଳନ୍ତ କ୍ରାନ୍ତିବୀର |୫|

"ତୁମେ ମୋତେ ରକ୍ତ ଦିଅ ମୁଁ ତୁମକୁ 

ଦେବି ସ୍ୱାଧୀନତା "

"ଦିଲ୍ଲୀ ଚଲୋ" ଡାକରାରେ ପୁରି ରହି

ଥିଲା ଦେଶପ୍ରେମ ଗାଥା |୬|

ଗର୍ବରେ କୁହ ମୁଁ ଓଡ଼ିଆ ମୋ ଭାଷା 

ଓଡ଼ିଆ ଦୁର୍ବାର ଶପଥ ଆମର

ହେ ଭଉଣୀ ଭାଇ ଇତିହାସ ଆମ କେତେ 

ଦୁର୍ଦ୍ଦଷ ବୀରମାନଙ୍କର  |୭|