ଗୋଟିଏ ମାଳ
ଗୋଟିଏ ମାଳ
ଗୋଟିଏ ମାଳରେ ଅନେକ ଚାବିକୁ
ଏକାଠି କରିକି ରଖିବା ଯେବେ
ହଜିଯିବା ଭୟ ଖୋଜିବାର ବ୍ୟସ୍ତ
ମନରେ ଜମାରୁ ନଥିବ କେବେ ।
ଘରଟି ଆମର ଗୋଟିଏ ମାଳ ଯେ
ପ୍ରତି ସଦସ୍ୟ ତ ଚାବି ସଦୃଶ
ପରସ୍ପର ସ୍ନେହଶ୍ରଦ୍ଧା ,ବୁଝାମଣା
ଭରିଥାଏ ଘରେ ଚିର ହରଷ ।
ଭିନ୍ନ ଭିନ୍ନ ମନ ଭାବନା ବି ଭିନ୍ନ
ସଭିଙ୍କ ମତକୁ ଦେଇ ସମ୍ମାନ
ସଭିଙ୍କର ଇଛା ପୂରଣ ନିମିତ୍ତ
ପ୍ରୟାସ କରିଲେ ହସିବ ପ୍ରାଣ ।
ସ୍ନେହ ପ୍ରେମ ଦୟା ମମତା ବନ୍ଧନ
ନୀଳୟେ ହୋଇବ ଯେବେ ଦୁର୍ବଳ
ସେଇ ଘରେ ସୁଖଶାନ୍ତି ହଜିଯିବ
ଭାଙ୍ଗିଯିବ ସେଇ ଘରର ବଳ ।
ଆମ ଘର ଶକ୍ତି ଆମରି ହାତରେ
ଗୋଟିଏ ମାଳର ଚାବି ତ ଆମେ
ଏକତା ସୂତ୍ରକୁ ଭୁଲିବା ନାହିରେ
ଯୋଡି ହୋଇଥିବା ସର୍ବଦା ପ୍ରେମେ ।