ଗୋପୀଙ୍କ ଶୋକ _୨

ହେ କୃଷ୍ଣ ପ୍ରେୟସୀ ପୃଥ୍ୱୀ ଦେବୀ

         ଆମ୍ଭ କାହ୍ନୁକୁ ଦେଖିଛକି ,

କେତେ ଭାଗ୍ୟବତୀ ଅଟ ତୁମ୍ଭେ

       ପ୍ରଭୁ ଚରଣ ସ୍ପର୍ଶ ପାଇ କି ।

ଉଲ୍ଲ।ସ-ବିଲାସ 

ତୁମ୍ଭେ ପାଇ ନୀଳମଣି . . .

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୬।।

ଶ୍ରୀଅଙ୍ଗରୁ ସୁଷମା ସୌନ୍ଦର୍ଯ୍ୟ

      କୁଚ଼ କୁଙ୍କୁମରେ ରଞ୍ଜିତ,

କୁନ୍ଦକଳି ମାଳାର ସୁଗନ୍ଧ

     ବାସ୍ନା ଚତୁର୍ଦ୍ଦିଗ ମୋହିତ ।

ପ୍ରେୟସୀକୁ ପାଇ

ଭ୍ରମର ଭ୍ରମଇ ଜାଣି ।

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୭।।

ଚିତ୍ତ ବ୍ୟାକୁଳେ ସକଳ ଗୋପୀ

     ପ୍ରଭୁଙ୍କ ଲୀଳା ମାନ ଗୁଣନ୍ତି,

କୃଷ୍ଣ ରଚିଥିଲେ ଯେତେ ଲୀଳା

   ତାଙ୍କ ଭିତରେ ସର୍ବେ ସାଜନ୍ତି ।

କିଏ ହୁଏ କୃଷ୍ଣ . . .

କିଏ ହୁଏ ନନ୍ଦରାଣୀ ।

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୮।।

ନନ୍ଦରାଣୀ ଉଦୁଖଳେ ବାନ୍ଧେ 

     କଳା କାହ୍ନୁଙ୍କୁ ଗୋଡ଼ାଇଣ,

କିଏ ସାଜଇ ପୁତନା ଛଲେ

   କିଏ କରଇ ଯେ ସ୍ତନ୍ୟପାନ ।

ବାଳକୃଷ୍ଣ ହୋଇ . . .

ଶକଟାକୁ ମାରେ ପୁଣି ।

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୯।।

କିଏ ସାଜେ ବକା ବତ୍ସାସୁର

    କିଏ କହ୍ନେଇ ବଳରାମ,

ବକା ବତ୍ସାସୁରକୁ ମାରନ୍ତି

   ବଳରାମ ସଙ୍ଗେ ଘନଶ୍ୟାମ ।

ଯିଏ ଯାହା ମତେ...

ଶ୍ରୀହରି ଲୀଳାକୁ ଗୁଣି ।

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୧୦।।

କ୍ରମଶଃ . . .

ଜୟଶ୍ରୀ ରାଧେ. . .