ଗଣତନ୍ତ୍ର, ଗଣଙ୍କ ସୁରକ୍ଷା ପାଇଁ

ଚାଲ ଗଢ଼ିବା ଆମେ ପ୍ରେମର ନଅର

ନଥିବ କାହାର ଯେଉଁଠି ଲୁହର ଝର ।

ନଥିବ ସେଠି କିଛି ଚିହ୍ନ ଅତ୍ୟାଚାରର

ଚିହ୍ନହୀନ ଦମନ କଷଣ ଓ ଶୋଷଣର ।

ନରହିବ ଭୟ ଲାଠି ବେଠି ଗୋଇଠାର

ଶ୍ରମିକର ଶ୍ରମକୁ ଅନ୍ୟ କେହି ଲୁଟିବାର ।

ଖଟିବେ ସମସ୍ତେ ମଣିଷ ପଣିଆ ନେଇ

ଲାଠି, କୋରଡା, ଗୁଳି ବାରୁଦ ନଥାଇ ।

ସ୍ୱରରେ ସ୍ୱର ମିଳାଇ ଗାଇବା ଗୀତି ପ୍ରୀତିର 

ଭରି ଦେବା ରାଗ ଓ ରାଗିଣୀ ଛନ୍ଦ ସୁର ।

ପ୍ରଜା ପାଳିବା ଶାସକର ଧର୍ମ ରହିଥିବ 

ସେ ରାଜ୍ୟରେ ଦରିଦ୍ର୍ୟ କେହି ନଥିବ ।

ଏହା ତ ଗଣତନ୍ତ୍ର, ଗଣଙ୍କ ସୁରକ୍ଷା ପାଇଁ

ଗଣଙ୍କର ମତ ଓ ହିତ, ଭେଦଭାବ ନାହିଁ ।

ଚାଲ ହଜି ଯିବା, ଆଉ ଥରେ ମଜ୍ଜିଯିବା

ଆଦିମ ସଭ୍ୟତାର ଚିହ୍ନକୁ ପୁଣି ସାଉଁଟିବା ।