ଗଙ୍ଗଶିଉଳି

ଗୋଟିଏ ରାତିର ନୂଆଁ କୁଣିଆ ତୁ 

    ନାଁ ତୋର ଗଙ୍ଗଶିଉଳି 

ରାତିରେ ଫୁଟି ତୁ ରାତିରେ ହିଁ ଝଡୁ 

  କା ' ପାଖେ ନାହିଁ ତୋ ଅଳି ।

କେତେରଙ୍ଗେ ତୁହି ସଜେଇ ହୋଇଛୁ

   ଧଳା ସଙ୍ଗେ ନାରଙ୍ଗିରେ 

ମନ କିଣି ନେଉ ଦିଗ ଚହଟାଇ 

  ତୋର ମିଠା ସୁବାସରେ ।

ଗଙ୍ଗଶିଉଳି ଲୋ ଗଙ୍ଗଶିଉଳି ତୁ 

  କିମ୍ପା ଯାଉ ତୁ ଝାଉଁଳି 

ତୋ ରୂପ ଦର୍ଶନେ ଅଧିର ମୋ ପ୍ରିୟା 

   ଦେଖିବାକୁ ସେ ଗାଉଁଳି ।

ପ୍ରତି ପ୍ରଭାତରେ ସାଉଁଟି ଆଣେ ସେ 

  ତୋ ମଧୁ ମହକ ପାଇଁ 

ତୋ ଆୟୁଷ ଅଳ୍ପ ଜାଣି ସୁଦ୍ଧା ସିଏ 

   ମନ ଦୁଃଖ କରେ ନାହିଁ ।

ନିତି ଧାଇଁ ଯାଏ ତୋ ଗଛ ମୂଳକୁ 

  ପାଣି ଟିକେ ଦେବା ପାଇଁ 

ଦୀପ ଜାଳି ସିଏ ମାଗେ ଲମ୍ବା ଆୟୁ

  ଦିଅ ହେ କଳା ଗୋସାଇଁ ।