ଗଜପତି ବନ୍ଧୁ ଗଜପତି

ଗଜପତି ବନ୍ଧୁ ଗଜପତି,

ଓଡ଼ିଶା ରାଜ୍ୟର ଗଜପତି,

ଜିଲ୍ଲାଟିଏ ସିନା ଘୋଷଣା ହୋଇଲା

ସବୁଠି ଚାଲିଲା ପ୍ରିୟା ପ୍ରିତି । ଗଜପତି.....

ନାଟକରେ ଏଠି ରାଜନୀତି,

ବଡ ବଡ ବାବୁ ନାଟ କରୁଛନ୍ତିି

ଗରୀବ ନ ପାଏ କାହା ସାଥୀ ‌। ଗଜପତି.....

ସ୍ବାକ୍ଷର ସୁନ୍ଦର ଗଜ‌ପତି,

କଲମ କାଗଜ ପବନେ ଉଡୁଛି

ସମସ୍ତେ ସ୍ଵାକ୍ଷର ରାତାରାତି । ଗଜପତି.....

ସବୁଜ ସୁନ୍ଦର ଗଜ‌ପତି,

ରାସ୍ତା ଘାଟ ଏଠି ଏମିତି ହୋଇଛି

ନ ଚାଲିବା ପାଇଁ ନାହିଁ ଗତି । ଗଜପତି.....

ଶବରଙ୍କ ଜିଲ୍ଲା ଗଜପତି,

ଦଦରା ବସରେ ଚଢିଯାଅ ବାବୁ

ଭୂଲି ପରିବାର ଭୂଲି ଭୀତି । ଗଜପତି.....

ଆମର ଜିଲ୍ଲା ଗଜପତି,

ନୂଆଁ ଚାକିରୀଆ ଭର୍ତ୍ତି ଏଠାରେ

କୁଜି ନେତା କରେ ରାଜନୀତି । ଗଜପତି.....

ସୁନ୍ଦର ଜିଲ୍ଲା ଏ ଗଜପତି,

ଶହେ ଟଙ୍କା ଘର ‌ହଜାରେ ହୋଇଛି ଇଚ୍ଛା ଥିଲେ ରୁହ ରାତାରାତି । ଗଜପତି.....

ଗଜପତି ଏହା ଗଜପତି,

ଦିନକର କାମ ସପ୍ତାହେ ଲାଗୁଛି

ଗଞ୍ଜାମେ ଫାଇଲ ଗାଏ ଗୀତି । ଗଜପତି.....

ଆମର ତୁମର ଗଜପତି,

ଧନୀମାନଙ୍କର ଟଙ୍କା ବଢୁଅଛି

ଗରୀବ ଶବର ମରେ ନିତି । ଗଜପତି.....

କର୍ମଚାରୀ ପୂର୍ଣ୍ଣ ଗଜପତି,

କିଏ କେବେ କେଉଁ ସ୍ଥାନରେ ନ ରୁହେ

ଭଡା ଓ ଜଡାରେ ଯାଏ ତୁଟି । ଗଜପତି.....