Library
Profile
ଘଡ଼ି ସନ୍ଧି ମୁହୁର୍ତ୍ତ
ଘଡ଼ି ସନ୍ଧି ମୁହୁର୍ତ୍ତ
ପ୍ରତି ମୁହୁର୍ତ୍ତରେ ସମୟ ସୂଚାଏ
ସଜାଗ ରୁହହେ ସର୍ବେ ;
ସୁଖଦୁଃଖ ସାଥୀ ସମୟ ସାରଥୀ
ଅପେକ୍ଷା କରେନି କେବେ !
ଅବିଶ୍ରାନ୍ତ ଭାବେ ଘଣ୍ଟାକଣ୍ଟା ଚାଲେ
ବିରାମବିହୀନ ସତେ ;
ରାତି ପରେ ଦିନ ଆସେ ନିରନ୍ତର
ଆଶା ଆକାଂକ୍ଷାରେ କେତେ !
ଘୋର ଅନ୍ଧକାର ସମୟ ସଙ୍ଗାତ
ବିପଦର ଅନୁସଙ୍ଗି ;
ଏହି ସମୟରେ ଧର୍ଯ୍ୟ ସହକାରେ
ଦୁଃଖ ସଙ୍ଗେ ହେବ ଭାଗି !
ସ୍ଥିତି ପରିସ୍ଥିତି ବିଗାଡେ ନିୟତି
ସମୟର ଅନୁକୋଣେ ;
ଦୁର୍ଦ୍ଦିନ ସମୟ ରହେ କିଛି କାଳ
ଅନୁଭବେ ଅନୁପ୍ରାଣେ
!
ସ୍ବୟଂ ଚାଳିତ. ଅପେକ୍ଷା ରହିତ
ମାନବ କୃତ ଏଘଡ଼ି ;
ପ୍ରତି ମୁହୁର୍ତ୍ତରେ ଗନ୍ତବ୍ୟ ପଥରେ
ଅବିରତେ ଚାଲେ ମାଡି !
ସମୟକୁ ରୋକି ଜମା ପାରିବନି
ଶତ ଚେଷ୍ଟାକଲେ ମଧ୍ୟ.;
ବିପଦେ ସତର୍କ ରହିବ ଅବଶ୍ୟ
ଉପୁଜିବ ନାହିଁ ଯୁଦ୍ଧ.!
ମହାମାରି ସଙ୍କା କରିଛି ଅପେକ୍ଷା
ଆସିବ ଅନ୍ଧାର ଘୋଟି ;
ସମୟ କହୁଛି ବାରତା ଦେଉଛି
ପ୍ରତିହତ କର ମିଶି !
ଘଣ୍ଟ କଣ୍ଟା ସିନା ସମୟ ସୂଚକ
ମାନବର ମହା ସାଥୀ ;
ଅନ୍ଧାର ଆଲୋକ ମହା ବିଶେଷାଙ୍କ
ଆକଳନ କରେ କ୍ଷତି ।
