ଗାନ୍ଧୀ

କେଉଁଠି ଅଛହେ ଗାନ୍ଧୀ ତୁମେ ଏବେ

    ଦେଖି ଯାଅ ଥରେ ଆସି 

ମରିତ ଯାଇଛି  ମଣିଷ ପଣିଆ 

    ନାହିଁ ଆଉ ହସ ଖୁସି

 ଅହିଂସାର ଧର୍ମ ଉଭେଇ ଯାଇଛି 

    ହେ ବାପୁ ପରମପୂଜ୍ୟ 

ଭାଙ୍ଗି ତ ଯାଇଛି  ତୁମେ ଦେଖିଥିବା 

    ସପନର ରାମ ରାଜ୍ୟ

ବଢୁଛି ଅନ୍ୟାୟ ପାପୀ ଅତ୍ୟାଚାର 

    ଚାରିଆଡେ ହଣାକଟା  

କାମାନ୍ଧ ମଣିଷ ଭୋକର ଜ୍ୱାଳାରେ 

    ନାରୀ ହୁଏ ହଟହଟା

ନାରୀ ସ୍ୱାଧୀନତା ପ୍ରହସନ ଆଜି 

    ଭାଷଣ ବାଜିରେ ସାର 

ବିକାଶ ଏଇଠି ଅଧ ପନ୍ତରିଆ

    ନେତାଙ୍କୁ ଦୂରୁ ଜୁହାର

ସମ୍ପର୍କର ମୂଲ୍ୟ ଅଲଣା ଏଇଠି 

   ନାହିଁ ଭାଇଚାରା ମେଳ

ସବୁଠି ଅଳିଆ ସବୁଠି ଗୋଳିଆ

   ଆମ ସରକାର କଳ

ସ୍ୱଚ୍ଛତା ଏଇଠି ଲୋକ ଦେଖାଣିଆ

   ଯୋଜନା ତ ମାଳ ମାଳ

ଗାଆଁ ରୁ ସହର ସବୁଠି ଚାଲିଛି 

   ତୁଚ୍ଛ ରାଜନୀତି ଖେଳ

ହେଉ ପୁର୍ନଜନ୍ମ ଗାନ୍ଧୀ ହେ ତୁମର 

   ହସୁ ଏ ଭାରତ ଭୂଇଁ 

ଗାନ୍ଧୀଜୟନ୍ତୀରେ ଘେନମୋ ଶୁଭେଚ୍ଛା

   ସଲାମ ଗାନ୍ଧୀଙ୍କ ପାଇଁ