ଲାଇବ୍ରେରୀ
ପ୍ରୋଫାଇଲ୍
ଗାଆଁ
ଗାଆଁ
1 min
127
ସବୁଠୁ ସୁନ୍ଦର ସବୁଠୁ ଆପଣା
ଏଇ ମୋର ପ୍ରିୟ ଗାଆଁ
ଜନମ ହୋଇଲି ତାହାରି କୋଳରେ
ରଖିବି ତାହାରି ନାଆଁ ll
ଏନ୍ତୁଡ଼ିଶାଳର ପ୍ରଥମ ପରଶ
ଏଇ ଗାଆଁ ମାଟି କୋଳେ
ଚତୁଃର୍ଦିଗ ସାରା ସୌଦର୍ଯ୍ୟରେ ଭରା
ସବୁଜିମା ରାଜି ଖେଳେ ll
ତା ' ଚାରି ପାଖରେ ସବୁଜ ଅରଣ୍ୟ
ପାହାଡ଼ ପଡିଆ କେତେ
ସୁବର୍ଣ୍ଣ ଫସଲ ଦିଶଇ ସୁନ୍ଦର
ଆମରି ଗାଆଁର କ୍ଷେତେ ll
ତା' ପଞ୍ଚଭୂତରେ ଗଢ଼ା ମୋ ଶରୀର
ତା' ବାୟୁ ନିଃଶ୍ୱାସେ ବହେ
ତାହାରି ଶିକ୍ଷାରେ ଶିକ୍ଷିତ ମୁଁ ଆଜି
ତାହାରି ଭାଷା ମୁଁ କହେ ll
ତାହାରି ପାଣିରେ ରକତର ଧାର
ଶରୀରେ ମୋ ସଂଚରିତ
ତା' ଦତ୍ତ ଆହାର କରି ମୁଁ ଭକ୍ଷଣ
କରୁଛି ମୁଁ ବିଚରିତ ll
