Library
Profile
ଏସିଡ ମାଡ଼
ଏସିଡ ମାଡ଼
ଖୁସି ବୋଲି ଜଣେ ଝିଅଟିଏ
ଭାରି ସୁନ୍ଦର ଦିଶେ ସିଏ
ଚେହେରାଟି ତାର ଡଉଲ ଡାଉଲ
ଚାଲିଚଳଣିରେ ସରିକିଏ ll
ଦଶମ କ୍ଲାସରେ ପଢୁଥିଲା
ସ୍କୁଲରେ ବି ଫାଷ୍ଟ ହଉଥିଲା
ତା ନିରୀହ ଚାହାଣୀ
ଶୋଭିତ ଯୌବନ
ସଭିଙ୍କୁ ଆକର୍ଷିତ କରୁଥିଲା ll
ସର୍ବଗୁଣ ସମ୍ପନା ଝିଅଥିଲା
ସମସ୍ତଙ୍କର ପ୍ରିୟ ଥିଲା
କିନ୍ତୁ ରାହୁଲ ବୋଲି ବାତରା ପିଲାଟା
ଧୂମକେତୁ ହେଇ ତା ଜୀବନକୁ ଆସିଗଲା ll
ଆସିଲା ଦିନରୁ ସେଇ ପିଲା
ପ୍ରେମ ନିବେଦନ କରିଗଲା
ଅଶ୍ଳୀଳ ଚିଠିକୁ ଅଶ୍ଳୀଳ କଥାରେ
ଖୁସି ମନେ ବିଷ ଭରିଦେଲା ll
ଖୁସି ତାକୁ ପସନ୍ଦ କରୁନଥିଲା
ତାକୁ ଦେଖି ବାଟ କାଟୁଥିଲା
ତାର ଚାଇ ଦେଖିଲେ ବି ଡରୁଥିଲା
ଡରରେ ପ୍ରାୟ ନିରବ ରହୁଥିଲା ll
ଦିନେ ସ୍କୁଲଟା ଛୁଟି ହେଲା
ଖୁସି ସାଇକେଲରେ ଆସୁଥିଲା
ବିପରୀତ ଦିଗରୁ ରାହୁଲ ବାତରା
ଜାଣି ଜାଣି ଖୁସି ସହ ଧକା କଲା ll
ଖୁସି ଯେ ତଳେ ପଡିଗଲା
ରାହୁଲ ତାକୁ ଟଣା ଓଟରା କଲା
ରାହୁଲ ଇସାରାରେ ତା ସାଙ୍ଗ ମନେ
ଅବିଳମ୍ବେ ସେଠି ପହଁଚିଲେ
ଆଉ ଖୁସିକୁ ଟେକିଣ ନେଇଗଲେ ll
ବାଟରେ ପୋଲିସ ଗାଡିଟେ ଆସୁଥିଲା
ଖୁସିର ଚିତ୍କାର କାନେ ପଡିଲା
ହଟାତ ପୁଲିସ ଗାଡି ଅଟକେଇବାରୁ
ଖୁସିକୁ ଛାଡି ରାହୁଲ ଗୋଷ୍ଠୀ ପଳାଇଲା ll
ପୁଲିସ ଖୁସିକୁ ଉଦ୍ଧାର କଲେ
ଖୁସି ଘରଲୋକଙ୍କୁ ଡକେଇ ଦେଲେ
ଖୁସି ସବୁକଥା ଖୋଲି କହିଲା
ସେମାନଙ୍କ ନାମରେ ଏଫ ଆଇ ଆର ଦେଲା
ରାହୁଲ ତା ସାଥି ଆରେଷ୍ଟ ହେଇ ଜେଲ ଗଲା ll
ଖୁସି ର ଶାନ୍ତି ଫେରିଲା
ପାଠ ବି ଠିକ ଠାକ ପଢିଲା
ମାଟ୍ରିକ ପରୀକ୍ଷାରେ ଟପର ହେଇ
ଗାଁ ର ସୁନାମ ବଢ଼େଇଲା ll
କଲେଜରେ ବି ଖୁସି ନାମ କଲା
ସଭିଙ୍କର ପ୍ରିୟ ବନି ଗଲା
ପାଠରେ ଖେଳରେ ଗୀତରେ ନାଚରେ
ସଭିଙ୍କୁ ସିଏ ବଳିଗଲା ll
ସବୁଦିନେ ସମାନ ଯାଏ ନାହିଁ
ଖୁସି ଭାଗ୍ୟେ କଳାମେଘ ଆସିଲା ଉଇଁ
ତିନି ବର୍ଷ ପରେ ହଟାତ ଦିନେ
ରାହୁଲ ଆସିଲା ଧୂମକେତୁ ହେଇ ll
ଖୁସିର ବାଟ ଓଗାଳିଲା
ଖୁସି ସହ ଜବରଦସ୍ତି ଖରାପ କଲା
ପ୍ରତିବାଦ କରି ଚିଲେଇବାରୁ
ଏସିଡ ମାଡ କରି ପଳେଇଲା ll
ଯନ୍ତ୍ରଣାରେ ଖୁସି ଛଟପଟ ହେଲା
ବାଟଗଲା ଲୋକ ଖବର ଦେଲl
ଖବର ଚାରିଆଡେ ଖେଳି ଗଲା
"ଏସିଡ ମାଡରେ ଖୁସି ପୀଡିତା"
ଏ ନିଉସ ଚାରିଆଡେ ଖେଳିଗଲା ll
ଡାକ୍ତରଖାନାରେ ଚି଼କିତ୍ସିତ ହେଲା
ଜୀବନଟା ସିନା ବଂଚିଗଲା
ହେଲେ ମୁହଁ ତାର ବିକୃତ ହେଇଗଲା
ଆଉ ଦୁଇ ଆଖି ତାର ଅନ୍ଧ ହେଇଗଲା ll
ମିଡ଼ିଆ ସରକାର ମିଳିତ ହେଲେ
ଦୋଷୀକୁ ଫାଶୀ ଦଣ୍ଡରେ ଦଣ୍ଡିତ କଲେ
ସରକାର ଲମ୍ବା ଚଉଡା ଭାଷଣ ମାରିଲେ
ବହୁତ ବହୁତ ବାହାବା ନେଲେ
ହେଲେ ଖୁସିର କଣ ହେଲା...
ବିଚରା ନ୍ୟାୟ ସିନା ପାଇଲା
ହେଲେ ସମସ୍ତଙ୍କ ଆଗେ ପୀଡିତା ବୋଲାଇଲା
ଦୟାର ପାତ୍ର ହେଇଗଲା
ଆଉ ଚିରଦିନ ଅନ୍ଧକାର ର ସାଥି ହେଇଗଲା l
