ଏମିତି ବର୍ଷା

ଏପାଖେ ବର୍ଷୁଛି ସାରା ରାତି ବର୍ଷା

        ସେପାଖେ ଚାହିଁଛି ପ୍ରିୟା ,

ଘାଟ ସେପାରିର ନାଆକୁ ଚାହିଁ ମୁଁ

     ଏପାଖେ ହୋଇଛି ଠିଆ ।

ଘୁମେଇ ପଡିଛି ରାତିର ଅନ୍ଧାର

          ମନେ ଲାଗେ କାହିଁ ଭିତି,

ଅଳସୀ ପ୍ରିୟା ମୋ ବତୁରାଆଖିରେ

           ଚାହିଁ ଥିବ ସାରା ରାତି,

କାହିଁକି ବର୍ଷୁଛି ଏମିତି ବରଷା

        ବାଟ ଛାଡୁ ନାହିଁ କିଆଁ ।

ମନ କାଗଜରେ ଆଙ୍କିଥିଲି ଛବି

          ଦେଖି ମୁଁ ସପନେ ତାକୁ,

ସବୁ ଛବି ମୋର ଭିଜିଲା ବର୍ଷା ରେ

           ନାହିଁ କିଛି ଦେଖିବାକୁ 

ନେହୁରା ହେଉଛି ଥମିଯାଆ ବର୍ଷା

       ଶିଥିଳ ହେଲାଣି ହିଆ ।